اهلا وسهلا بيك عزيزي نورت المنتدى
نتمنالك قضاء اوقات سعيده وممتعه
وننتظر جديدك
اهلا وسهلا بك بيننا
نورت المنتدى
سولفلي بعد محتاجك هواي
محتاجك ابكد ما فاركتني
رحت جم يوم عني وتعرف اشصار
عشر سنين يمكن كبرتني
أحبك مو حجاية ابشعري تنكال
أحبك صوت حسره ابين الانفاس
لأن حبك احساس بروحي موجود
وبعد ما لاكي كلمة اتوصف الاحساس
نووووووووورت المنتدى
عالحب كتلك البي تضحية يعيش
خذت رايي وسمعته وبية ضحيت
وشفت حفل افتتاح جروحي للناس
وشفتك من بعيد بروحي گصيت
طرت جن دمعة وبجنحينها رموش
وعلى شجرة ضحكتك سكته حطيت
خيل ظنوني طلعت خيل عرجاء
وانا مراهن عليها تفوز ظنيت
من شفتك اطش سنيني واللة
لأن بيهن حلا حسبالي جكليت
غشيم وگلت ماساوي اليلمون
عزت نفسي ما خلتني لميت
انا بلا وعي من اطيتك الروح
وعقل ماجان عندي وهسة فزيت
ماجذب واگلك باجر انساك
عفتني وذكريات هواية خليت
اذا كل حايط البي اسمك يطيح
على هالحالة لازم نهدم البيت
بأخير ايام عشت بروحك هواي
ديرة شايلين ووحشة حسيت
ظلمة وريح بيها وصوت بيبان
وردت اطلع ولكن ما اندليت
انا الباني السفينة ومو مثل نوح
صعدتك وبالطوفان ظليت
وجبت عشب الخلود اطيتك اياة
وگلت احمل الفشلة وخالي رديت
بحرگتي وخفت تدريجيآ اشتاق
وخفت ردود قلبي يگلي حنيت
من دمعتي لحجيك وكت الوداع
خط وهمي بوكتها بجفي جريت
طلاسم نظرتك فكتها الاعذار
وبعيونك شگد الغاز حليت
جنت تحجيلي وايدي تهدم احلام
وبمعول دمعتي بقوة دگيت
بحيث من انتهيت من المواضيع
ذﯾﭺ الساعة ماظل كلشي هديت
فدة من ﯾﻨﭽفي يگولون عالماي
وفدوة شلون اگلك ماتبديت
انا شفتك ثلج بحلوگ شمات
معقولة بحلگهم ما حتريت
ماگتلي الرواية اخرها مبتور
جا بأول مشاهد مانشديت
ولو ادري اليظل ممنوع مرغوب
لارخصت روحي ولا انذليت
انة ابحرت بيك اعناد عالروج
وعلى خصر الشراع وزار شديت
الهوة هذا اليمرني اتخيلك بي
حته التقي وياك منين ماجيت
يعني بمعنى اخر مستحي احجيهة
ترة بس انته غيرك ماشتميت
وحررت اسمك من شفايف الغير
وعلمودك شگد حروب طبيت
وبعدت ذرائع قادر اجتاح
ولكن شبر منك ما أحتليت
اكض الليل بيدي من اوگف وياك
بدليل شگد عليك نجوم طشيت
جنت اگدر اجيك بدون عنوان
وحته ادخل بگلبك لو اضطريت
علي محسوب سر وانته مگيول
وعلى ازغر اعدائك ما انظميت
ما عندك عذر ينگال للناس ؟
يمي ومن حجيهم ما افتكيت
لهسة اكل بصبعي الاشرت بي
عليك وبي الف نيشان خليت
مثل حب الارض وية الشمس بي
جنت سطحي بنظرتي وفطرة حبيت
لو ادري الشمس ماتفتر وياي
على روحي بعشرتك ما افتريت
انة عابيت حته عيوني ﺒﭽفاك
بيهن وبنظرهن مااعتزيت
مر يم بيتنا مستطرق وشوف
تلگة اباب بيتي عيون ذبيت
انة ظهري احترف طعنات العزاز
وگمت اعرف اديهم لو اندجيت
بلا شوف واگلهم ها منو فلان
بس انته عكسهم ماتسميت
حته انساك لازم ينلغي الليل
اذا بالليل اذكرك جا سويت
واحتار من اظل ابين رائين
اذا عن رأي منهن ما استغنيت
بما انك عفتني بكل الاحوال
ماتفرق نسيتك لو تناسيت
تحيــــــــــــــــــــــ ــــــــــــــــــــــــه لاســــــــــــــــــــــ ــــــــماعيل المــــــــــــــــــــــ ـــــلك
عراقي انه اليدك بابي محفوظ يصيح ** بالديوان اسوي من الدول تجوه
نشـأت اني قبل ما ينشأ التــآريخ ** قبل آدم اقرانــي ومن قبل حوا
تعرفني الهلهلت من بين الف فزاع ** انه الهديت حافي بساعة النخوه
من كد ماشربت من المنيه الكاس ** اضوك الموت اسلطن واشعر بنشوه
جنت ريشه وطحت من جنح عزرائيل ** تقوة ملك صالح يمتلك قسوه
ضفتني وشايف عزوبيتي بيها اعجاز ** بالبرزخ اشتموا ريحة الكَـهوه
وانه عندي الفرس وكت الحرب ترتاح ** ماقاتلت واحد من على الصهوه
انه بعين الجسر واكف حرس بالليل ** وبعين اليخوزر من تمر حلوه
ركضت على الشمس حتى استفز الليل ** جنت اضحك بصوتي وجسمي يجوه
صح اصوبت بس جلد ماشكَـيت ** واطيت الرصاص الماطلع عطوه
انه الهدهد الجبت النبأ لسليمان ** والطود العظيم وطائر السلوى
من احذف افعالي يظل فراغ الكون ** واترك بالحضاره وبالزمن فجوه
شرتني المستحه وقيم جرأتي الموت ** مستاهلته كلها وبالفعل يسوه
اشكك مو الي من الكالي جرح احباب ** اكولن مدري يمكن هوه مو هوه
ماي وماردت بالروج ازعل الطير ** باني ويه النوارس ع الجرف خوه
شديت السرج وكت الحرب ع الريح ** وبجدم العواصف ركبت حذوه
مثل عطر الشلب من توصل المشخاب ** من تجهبني تشتم ريحة مروه
ثكيل وما ضحكت بنص مضيف بصوت ** ومغربل ضحكتي من الحزن كَـوه
انه سنة رسول ومصحف وانجيل ** وانه قبة امام ومرجع وتقوى
انه عندي التطور مو بالجسد بالروح ** مافسر التطور بالمشي اتلوى
انا مشية نسق مستعرض بكانون ** صدى ضربة مسيري بكل اذن دوى
بالظاهر جلد بس اشبه المحار ** ماتشبه صدفته اللؤلؤه الجوه
صدت ليلي لأن بالشص نجم حطيت ** ابن هور وخبير وصيدي مو توّه
يحركَـني اللهب بس اطلع احلى هواي ** ماشوه بشرتي وكلشي ماسوى
اندل الجمر واعرف زوايا النار ** من جانت الوادم تجدح بحصوه
سهرت ويه الورد واتمرجحت بالغيم ** وعّـيت الطيور من الفجر ضوه
جنت ارسم كَـلب وعيوني معصوبات ** واضحك والمشانق عن بعد خطوه
مثل دجله وفرات من التقن وياي ** هيج التقن بيه الثوره والثروه
اذا ردت تعرفني وشفت مثلي هواي ** والكل عنده جلمه ويمتلك حظوه
شوف الكوسر ليا ظهر جاي ولام ** تعرفني استناداً ع الوصف قوه
التعديل الأخير تم بواسطة ليديا ; 17/January/2014 الساعة 5:13 pm السبب: قم بمراجعة قوانين المنتدى رجاء
رد مع اقتباس
