عتاب الشمس
زعلك ما يطول روح ادري تعود
لان زعل البلم على الجرف ما ينفع
ماي وبالجزر تبعد ولنه تعود
لو مرت المده تجيبك وترجع
شمس ونعاتبك لو مر علينه الليل
وتاخذ بالعتب ومن الصبح ترجع
ونا عتابي عكارب من اوزهه عليك
بس توصل الشفتي تموت ما تلسع
حبيبي انا علم ووياك ارفرف حيل
واعيش خلاف عينك ذله ماتجرع
شكد شين المايل بس عشكته وياك
وخذت طبع الكصب من ريحكم تشرع
حبيبي وتبتعد واشتعل من الشوك
واصير رماد كلي وانت ماترجع
اذا هجرك جهنم مني تبعد ليش
تريد انا احترك احترك بس اسمع
اذا مت بجهنم هجرك وسمعيتا
حلفنك ابد لاتبجي لا تدمع
لان دمعك جهنم ثانيه من ايطيح
وما ريدك ابد تحترك من تسمع
تحياتي
علي الحلفي
رد مع اقتباس
