أحنه الفقره نكره طبت السوگ
مثل كره اليهود لفكر الأسلام
السوگ أيريد واحد جيبه متروس
وبس أدموع يملك جيب الأيتام
أهل الصيرفه يصرفون الدموع؟
عد راس السنه يصرفون الأيام؟
چم عام الأجه للفقره دگ باب؟
رسم ضحكات تمحي بلوعة العام؟
من يومك علي وليهسه مولاي
جسم الفقره صدگ مالبس خام
تصوم الناس فترة صوم معلوم
بس أحنه النصوم العام بالعام
أذا بيد البشر تنطينه الأفراح
عن الفرح نبقى أسنين صيام
بينه وما تحس هلوادم أشلون؟
علينه أدموع ظلت تبجي الأصنام
أمزاعلنه الفرح ومفارگ أسنين
أله...وبگاعنه ماداست أجدام
عاشرنه الحزن والهم والجروح
عشرة دمع ويه أجفون الأيتام
أبكلشي الفقره خلف الي يسبقون
بس بالفقر تلگه الفقره جدام
سيف الوكت عوز وشايله بغيض
الوكت ما عنده رحمه وسيفه محتام
أكل بينه وصفينه شلون مشلون
شگلك بعد ماسه وتاكل بجام
هدمنه أعله الخصر من جوعنه أتطيح
بس عدنه القناعه صايره أحزام
مثلنه أحلامنه وكلش بسيطات
بعد ما خضرت حكموهه بعدام
لذالك چذب بعد أنغمض العيون
وقررنه بعد ياصاح منام
تجينه أحلام بس أنطبگ الجفون
وأحنه براسنه مزدحمه الأحلام
رد مع اقتباس
المشاركة الأصلية كتبت بواسطة النقيب
