ليش يا دنيا انتي دوارة ... ليش انتي والزمن صرتوا غدارة ...
تبعدين عني كل عزيز على كلبي ... وما ظل بيج غير الكفّارة ...
اخذتي من عندي كل حبيب وقريب وصرت وحدي اشكي همومي ؟؟؟
وما لكيت الي يواسيني غير الجكارة ....
صرت اعيش بدنيا غريبة وحدي اشكي همي وانتظر يرجعلي احبابي ويا ترى شوكت البشارة !!!
عشت ويا الاحبهم سنين واعوام ... وما حسيت منهم فديوم بطعم المرارة ...
اي يا دنيـــا ؟؟؟ صدك من يكولون الحياة دمعة وابتسامة .... ولقاء وفراق ... بس منين اجيب العدل راحوا احبابي ومنو يعوضني الخسارة ...
ياما عشنا عشرة عمر سوة بكل مودة ومحبة ... وما يوم وازانة الدهر ولا شتم بينا اي كائن وبشر
وبقت علاقتنا تكبر وتدوم بكل حرارة ...
آآآآآه من الغربة تبعد القريب وتقرب البعيد ... الله ينتقم منج يالايام اللي خلت اعز خلاني يهجرني ويبعد عني شكول وشحجي لعبتيها وبكل جدارة ...
لاجل عيون احبابي راح اصبر على قساوتج يا دنيا ...
وانتظر منج ومن احبابي الاخبار السارة ...
وبالنهاية اظل ابقى واكول ؟؟؟؟
الدنيا دوارة ؟؟؟
رد مع اقتباس
المشاركة الأصلية كتبت بواسطة prince karbala
