ابوذيات عراقية, ابوذية
ويحيى
وحق طه نبي الرحمه ويحيى
يموت الكَلب من بعدك ويحيى
لميس تروحلك فدوه ويحيى
وياهم تيم والمخرج سويه
نور
لاكهرباء ولاضوه ولانور
وكَلبي محترك اظلم بلا نور
نهال متلوك المهند ولا نور
مهند يلوكن بس اليه
وردنه
عراقيه عطر منج يسحر ياوردنه
زرعنه الخير بينه وماوردنه
خبر مكتوب منج لو وردنه
اجيج زحوف واحجيلج عليه
وردها
عشرتي وياك مايبذبل وردها
ودمعتي توصل الرمشي وردها
روحي الك بستان وقطف وردها
اخذ الورد وعوف الشوك اليه
ونصار
انشدك عن شريك العكَل وين صار
وماتدري عليه شكثر ون صار
انا لو ان لي بالعشيره ربع وانصار
عجل يالجان الدعو وياك بيه
ونصاك
أنا الثابت رغم همي وانا الصاك
رفعني الوكت ياشامت ونصاك
جزء مفقود من نصي ونصاك
انفقدت كل الابوذيات عليه
وانت كاسه
كاس السم اشربه وانت كاسه
واذا عوفك خساره وانتكاسه
واذا اشارك بدوري وانت كاسه
اشيلك لو جنت خسران ميه
تلاله
شعاع الشمس بخدودك تلاله
وجم قارئ نغم حسنك تلاله
المصيف وسهله وجباله وتلاله
يروحن فدوه لعيونك هديه
افر بي
افز من يكبل وليفي وفر بي
واشبكه من فرحتي اركض وفر بي
اذا بالشته وهوه بارد وفر بي
احس تموز حضنه يصير اليه
من تهم بيك
روحي اشلون اكضها من تهم بيك
مثل تهمه وانه متهم بيك
وشيم اليمر بيه من تهم بيك
ولاجن ولامبين عليه
من تهم بيك
شكل للروح ياسمر من تهم بيك
بعيد انت حبيبي ومتهم بيك
مظن بس انه ونيت ومن تهم بيك
ونيني اكثر من اللي صار بيه
مرمر
شمالك وعلي كَلبك صار مرمر
كضيت العمر كله وياك مرمر
لون قاسي وتريد تصير مرمر
اودعك بالعتاب وهاي هيه
تمر مر
اذوبن شمعه واتمنى تمر مر
حبيبي الكَلب بفركاك تمرمر
اسألك هم ضكت مره تمر مر
وانا البرحي انكلب حنظل عليه
بس مر
سكاني الدهر من فركالك بس مر
وشهد ماضكت من دنياي بس مر
رمش عيني افرشه بساط بس مر
وترد الروح من تسال عليه
وسعه
شلون عليه خدين وعيون وسعه
على مود عيونه لشتغل واسعه
يادفان القبر الله عليك وسعه
اخاف تصير موتتنه سويه
دوار
أحــبـــك يابو شامه والوجه دوار
وكَلبي عليك من الصغر دوار
والله لعوفن مهنتي واشتغل دوار
واشوفك كل صباح وكل مسيه
ياهوانه
نفس وتريد شمك ياهوانه
العمر ذله بغيابك ياهوانه
اتيه الروح يمك ياهو انه
وخيالك مره دلاها عليه
هوانه
شمالي وياك ماشرك هوانه
وهويتك ياحلو وكَلبك هوانه
تره اكثر واحد يحبك هو انه
واعزك وانت تتعزز عليه
وسالت
عيوني من الهجر ملت وسالت
وعليه احباب مانشدت وسألت
الف دمعه الجرت مني وسالت
ولادمعه الجرت منهم عليه
وكرها
الطيور شماعلت ترجع وكرها
ولدخل معركة هجرك وكرها
اشتظني مااحب شخصك واكرها
بجسمك روحك وروحي سويه
لينه
حبيبي الفرح بيدك وزعه لينه
وشتمنه الدنيه بعدك وزعلينه
اليوز عليك اهلك وز علينه
اهلنه ومارضوا نرجع سويه
مر الينه
عسل شوفك ياغايب مر الينه
وتدري فراك شخصك مر الينه
مره تصير عبسي ومره لينه
ومره تصير ساسوكي عليه
واشتمنك
احب كل يوم اشوفك واشتمنك
واذا تبعد اسبك واشتمنك
اسألني شراد كَلبي وشتمنه
بوسط عيني فلا تبعد عليه
ولاحن
سهامك وصلن الجبهتي ولاحن
وكَلبك مابجه الحالي ولا حن
بليالي العيد لا افرح ولا حن
لجلك يل كطعت الوصل بيه
ولاحن
حن علي كل الخلك بس كَلبك انت ولا حن
وانا همومي العلي دكن السابع سما ولاحن
ماودك بعد ماارجع ولا حن
عقابك هذا يل كطعت الوصل بيه
شهد منك
المر وياك صدك شهد منك
وقضيتي وياك شاهد شهد منك
اذا روحي بشليله كلي شهد منك
اذا هدك تموت الروح بيه
ولعه منك
الكَلب لمن تولع ولعه منك
عفتني شبيك ابجي والعه منك
الخذن شوفك هذني اللي عمنك
حلفن جذب والعب بيه
والاشكال
اشدادك فكه من جنحي والاشكال
وعذابك مو شكل واحد ولا اشكال
تدرون الزعل شنهو والاشكال ؟؟
اشلونك كتله كال تعيل بيه
خليت
انا المايوم خل وياك خليت
شجاك وبالظهر سجين خليت
شعندي وشبعد ياخل خليت
صفه حتى البدن هم وبليه
وجن بيك
ولك نيران دلالي وجن بيك
وعليك العقل ضل تايه وجن وبيك
وصيتي اندفن يمك وجنبيك
يم كبرك جهنم جنه اليه
وجن بيك
العقل تكين تك انشل وجن تك
وبعد ماهمني بنارك وجنتك
شيصير عليك لو شمن وجنتك
يجي يوم القيامة وذبها بيه
شتاني
اتاني الياوكت شصبر شتاني
طشرني بخبر هجره شتاني
مر الصيف عداني شتاني
ولا مره الترف مره عليه
جلده
حبيبي الروح صارت وياك جلده
ومنو مثلك حرير اللمس جلده
دخلي اتعاقب ثمانين جلده
بس وياك كعده تصير اليه
تلعب
شفت نجمه بسواد الليل تلعب
وروحي من تضوك الزاد تلعب
شكم حلوه لعد عيناي تلعب
وانه الحلوات شو بعدن عليه
يولم
ردت للعتب ساعه وياك يولم
وتعرفت الاخوه احساس يولم
الطعن بالظهر تدري شكثر يولم
وهم محسوب اخو اليطعن اخيه
وحالا
وحك من طول جناحه وحالا
بجماله راد تعذيبي وحالا
اله بيه 12 حاله وحالا
اللي بس الصبر ساتر عليه
وانه وياك
مشيت ومعرفت قصدك وانه وياك
واذا ونيت احس كَلبي ون وياك
على ايدي جانت الدنيه وانه وياك
عفتني وطاحت الدنيه من ايديه
جدت
المصايب عكب عينك علي جدت
لعب ويه غيري بس وياي جدت
ايدي وتدري مافد يوم جدت
ابشرك راح امد ثنين ايديه
يسره
دم العين مني الك يسره
اون بوصفك بيمنتي فوك يسره
يكول الله بعد العسر يسره
صعب لكن يتيسر عليه
تنصاد
اذوبن لو عيونك علي تنصاد
شما توصل الحينه صكور تنصاد
اذا انت التعرف الناس تنصاد
لعد اني الغشيم اشلون بيه
وسطك انه
فرح اذوي من اشوفك وسطك انه
ومنو الوشوش بذانك وسطك انه
تكلي وينك انت ؟ وسطك انه !
تدور عالنبض تعثر عليه
نجفنه
نموت نعيش مرجعنه نجفنه
تجف الكاع ماجفت نجفنه
دخيلك ياعلي احميها النجفنه
انه من اطبلها ترد الروح اليه
سواك
أحــــبــك وماحب عالارض سواك
وسبحان اللذي من طين سواك
كَمر لكن ويه الشر ساواك
واحد فوك وواحد بين ايديه
بعداك
اون تسمع ونيني بسبب بعداك
لان طول عليه الليل بعداك
شمالك امنت ياترف بعداك
معقولة انت وعدوي تهد بيه
سنينه
كضى قيس بهوه ليلى سنينه
ومن شفت تمنيت العمر ترجع سنينه
والله لسوي حجايتي بحبك سنينه
وخلي الناس كلها تلوم بيه
وقبله
اذا تطلب طلب ارضاه واقبله
صرت عندي مثل جنة وقبله
اريد اشتم ورد خدك وقبله
واضمك ياحلو باثنين ايديه
وناقش
غرامك بالكَلب حافر وناقش
صرت نيران تحركني وانا قش
اريد اكعد معك احجي واناقش
وكلك لشوكت تقسه عليه
بجاي
اريد اكصد هلك وروح بجاي
وعليك الكَلب ليله يلوب بجاي
وداعتك لو تجيب الزهر بجاي
اجرعه ومايتم كل الم بيه
غشيت
عشكته وبالعشك مايوم غشيت
وعن باقي البنات العين غشيت
كعد يمي وعليه بسكوت غشيت
وكف كال للمعلم غش عليه
ياسه
اريد الياس منك ياسه ياسه
وهذا الكَلب صدك ياس ياسه
تكلي احجي بالسياسه ياسياسه
سايستك كبل دكيت بيه
حليت
كحل العين ياسمر حيل حليت
تشمر الشال ساعه الشعر حليت
اباب المدرسه اذكر يوم حليت
دكت روحي وي كَلبي سويه
مره حني
يلي تلبس مره اسود مره حني
مره بس مره ارحمينه ومره حني
نذر لو حاجيج انه البابج احني
واذا بوسج احني جفوف ايديه
ياماخاطر
اجازف ياما لاجلك ياما اخاطر
واسحك عالمخاطر ياما خاطر
صورة انت وادور جامع ياما خاطر
اجومك واحتفظ بالصورة اليه
برده
كَلبي مشتعل بالنار برده
وخشن كَلبك ويانه ارجود برده
جنت شباك صايرلك وبرده
عجب للغير عينك موعلينه
ونتباها
نزامط بيك ياسمر ونتباها
لان ام روحي انت وانت باها
الكَلب صارت صفنته وانتباها
الك ويموت اذا ماتمر بيه
ولادك
الغيرك مانبض كَلبي ولا دك
وثكيل وياك ميزاني ولا دك
الكم بعد مارمش ولا دك
احب الوجوه تتلاكه سويه
بس لك
اود بس انت ليه واني بس لك
واكول الكلمن يحاجيك بس لك
اتكهرب من اشوفك جني باسلاك
ويتكهرب اليوصل يم ايديه
منك احلى
قبل يفهمني كَلبك من اكح له
وانا المايوم شايف منك احلى
اجيت الرمش عينك من اكحله
سحرني والكحل طاح من ايديه
ولك مال
الك بس الكَلب ياسمر والك مال
وذاب الكَلب من هجرك ولك مال
ولاني ناجح بحبك ولا اكمال
ولا راسب واكلك حيل بيه
ولك عاد
تركني وردلك كَلبي ولك عاد
دهاك جروح شو احسب ولك عد
يرجع يتوسل ويبجي ولك عاااد
خلصه من الالم كَلبي خطيه
وشب لك
اني الجنت اضويلك وشب لك
شجاك شغيرك عني وش بلاك
تحفر بيدك الكبري وشبلك
تطم جسمي وبعدها الروح بيه
رد مع اقتباس
المشاركة الأصلية كتبت بواسطة علي الامير
