جتف جفوفي الشمر_اياد النصراوي1435
بوية وينك جتف جفوفي الشمر
بوية وينك بالشدد لا تعتذر
_____________
خنجر البي حز وريدك شفته بيده من اجاني
بوية احس قلبي يتراجف كام يحسين ولواني
بوية ظلت عيني تربي عليك اكولن خل اتاني
بويه اصيحن ترضة اروحن باليسر
بوية وينك بالشدد لا تعتذر
___________
بيدة الاخرى السوط شاله وعرفت شنهو اليريدة
بوية يحسين المسافة اقتربت ولوحلي بيده
قتله بالك والله اصيحن عمي عباس الصميدة
يابوفاضل ما تجيني شمنتظر
بوية وينك بالشدد لا تعتذر
___________
بوية من شاف اني وحدي من اجه يمي ووصلني
بوية يضرب بيه كام بسوط كل حيله علة متني
عمة زينب كمت اصيحن بوية بس هيه الحمتني
يا هضيمة ومن عكب ذاك الخدر
بوية وينك بالشدد لا تعتذر
__________
بوية حيل الكيد شدة ودم بقت تتجارى ادية
بوية ظل يمشي ويجرني وحيل اطيح على الوطية
بوية شتم جدي حيدر شفته والزهرة الزجية
بقلبي انادي وقلبي خايف منذعر
بوية وينك بالشدد لا تعتذر
________
بوية مدري ابجي على حالي مدري ابجي على اليتامة
بوية عماتي وخواتي السوط حط بيهن علامة
ليش انادي وما تجيني شعطلك يابوالشهامة
راح اروحن والله مدري ليا كتر
بوية وينك بالشدد لا تعتذر
__________
"
رد مع اقتباس