منو مثلي ....الثلج أمّنه ابجف الصيف...؟؟؟
وكله ايدير باله اتلوحه الحروره....!!!
ومنو مثلي اعله نيته شلون طير الهور...
إجّه ابلهفة وحنين ...وما حضّه ابهوره..؟؟؟
ومنو مثلي سكت...شاف الزرع مبيوك....
ودره البوكات كلهه ابّيت ناطوره....
ولو روحي ابنفسهه ....أتريد كلشي اتكول...
أعضّ شفتي واكول ( الكاع محضوره)....
على بختج يروحي مالي حيل الروج......
وشراعي تعب والدفّه مكسوره...
ولا ساحل بقه ...وأدري الصخر ما ايطوف...
حتى اتعب وادوّر ....صخرة مشموره....
وعتبنه اعله الصبر....يا روحي مو عالعين...
إذا ما ايصير سدّ....الدمعه معذوره...!!!
رد مع اقتباس
