كــل يـوم الـجـرح يـكـبـر سنـه ابـفرگاك
وصـبـاح الله بـغـيـابك يـبدي بالظلمه
جرحي ابـگـد ابـوك ابـراسـه طالع شيب
ترى الـمـفـروض مـنك هسه تحترمه
چنت لمن تجيني ابسرعـــــة الأسعاف
بيها انسان مخطر واهله مـــــــو يمّه
واتـلـگـاك مــلـگـه الـضـايـع ابـنص سوگ
شايل لـهـفـه اكـثــر مــن حنين امّـه
ردت تـنطـيني فرصه انطيت ظهرك ليش ؟
چنت محتاج منك حتى لـــــــو كلمه
عفتني ومن رحت گمت اختنگ بالشوف
مــــــن الگه اثنين واحد حاضن اليمّه
اباوع عـالــصــور ريــحــة افــراگ اتـفـوح
فـــراگـك والـگـبـر بـعـيـونـي اشتمّه
حـبـك طـفـل چان ابـعـمـر سـت طعنات
مـشـيـت وعـفت هجرك بالثرا إيطمّه
ابدم شماتي ماظن يمشي الانسولين
واحــدهــم افـراگــك يـركض ابدمّه
ترى الدنيا گصيره افراگك البي طول
اظــــــم الدنيا بس فرگاك شيظمّه
ويـنـك ما تـجـي ؟ بـعـيوني طالع ليل
عالليل اشـعـجـب تـتـكـبــر النجمه
بريدك مــــن وصل بي جثه مو كلمات
اشـگـالـولـك علي دفـان واستلـمـه ؟
حـضورك مـو صــعب شتظن رياضيات ؟
هــــــذا الامر گلي اشوكت تفتهمه ؟
مــن اجمع غيبتك حاصلها يطلع ضيم
واطـرح سبـب هـجرك تطلع القسمه
منقول
رد مع اقتباس
المشاركة الأصلية كتبت بواسطة prince karbala
