نسيتك يالجنت ماأكدرأنساك
وعفتك يالجنت ماريدأعوفك
جنت لمن أشوفك يله أرتاح
هسه أرتاح يوم الماأشوفك
ظنيت وفي وماتعرف أتخون
طلعت إنت الخيانه أستاذبيهه
خنت روحي وعفتهه أتعيش بهموم
حيل وياهه جي لنه من أديهه
آنه شجابني وسويت وياك
عﻼقه وسجلت بسمك محبه
حبك ترس روحي جروح وآﻻﻻم
ومصايب بس هواك بكلبي عبه
لتكلي العشك ﻻزم تعب بيه
تعب أقبل ولكن مومهانه
ولتكلي إشفت مو تونه بادين
فاشل كل عشك يبدي بخيانه
ردتك بيه تحجي وترفع الراس
وأرفع راسي بيك وآنه ممنون
وأسولف بيك كدام اليكرهوك
وتسولف بيه كدام اليكرهون
ماردتك تخلي بظهري سجين
وأصيرن سالفه بحلك الشماته
ﻷن العار يبقى بوجه اﻷنسان
ويضل وياه لحدساعة مماته*
رد مع اقتباس
المشاركة الأصلية كتبت بواسطة prince karbala
