محاوره بين زوجين قبل وفاة أحدهما
يروى ان هناك زوجان يعشق احدهما الاخر حد الجنون
وفي يوم من الايام اصاب قريتهم وباء واصيبت الزوجه
بعدوه في جلدها فقرر زوجها ان يكذب عليها فبعث لها
خبر انه تعرض لحادث وتسبب له في فقدان بصره
حته لا يجرح احساسها ويشعرها باحساس الانكسار
الى ان رقدت على فراش الموت فاعترف لها بل حقيقه
هنا دار الكلام بينهما
===========
قالت ... والله لو ميته ولا شوفك يروح
وكون روحي تروح وعيونك ترد
جبت عمري وياك ماباوع عليك
خاف مره عيوني بعيونك تصد
ترف واحساسك يخـجل الياسمين
وشالك بصدره ندى احساس الورد
ضمها نسماتك رياح الغدر سيف
الريح منجل بيها وردك ينحصد
بليل افتح عيوني لو مر بيها طيف
عيوني خضره وخاف حلمك ينحسد
وصلت انشد شنهي طعم النوم طار
تركض عيوني تجيبه ويبتعد
خفكَـ كَلب النوم ينبض بل جفون
اتصور بكل نبضه تمردني مرد
راح اغطيك بعوافي وروح نام
مثل عاشكَـ غطه حلمه بنص برد
قال ... فدوه الج هالروح واعيوني تهون
تروح خلها الروح عكَبج لاترد
انه اغار اعليج حته من الهدوء
اشلون عيني تشوف عضمج عالجلد
انتي هيبة سيف يمشي اعله الجروح
وافرح بجرحي اذا سيفج يحد
انتي اطول نفس مر بريتي روح
كسر ركَبة ريتي عالي شينصعد
اشهكَـ بخطوات جدمج من يفوت
واصفن بممشاج واكَعد بيه اعد
خلص عمري اركض واعزب للهموم
وياج واكَف شيخ حظي وما كَعد
انه حلمي وياج ما يعرف يخون
شلون اخون وياج بل واقع وعد
انتي قلعه بساسها اندكَـ الوفاء
والوفه بسورج وساسج منعكَد
انه لو ميت بوكت العشتي بيه
كَبل كَبري الكَاج بحضاني لحد
رد مع اقتباس
المشاركة الأصلية كتبت بواسطة اجمل انسانة
