ليش عفتي ؟؟
ليش من كالو نساج بساع ما صدكتي عفتي
وأنتي تدرين علمودج طرزيته أحزان صمتي
ليش عفتيني بجحيم وي ألذ اعدائي صرتي
وأنتي كلمات القصيدة النامت علطرف شفتي
ليش عفتي ؟؟
ذني جروحي منيدج ليش فوك جروحي دستي
آنه سويت العلية وانتي السويتي خنتي
هسه أجيتي بأعتذار وانتي قبل سنين متي
من بعد ذاك العذاب وسولفوها هواي قصتي
ليش عفتي؟؟
صدكي شفت انه العذاب بيوم رحتي
الغيري انطيتي السعادة وانه بس الآم حصتي
كافي دمعات الندامه علماني هواي وكتي
ليش تردين المودة وعالفراك انتي عزمتي
ليش عفتي؟؟
انتي كالولج جميلة وبسمة العاشك طرتي
ومن بعد ذاك الغرور بساع فوك الكاع طحتي
صدكي عشت انه العذاب وانتي بترف حال عشتي
انتي دمعة بس مسحتج وانتي وسط العين جنتي
ليش عفتي؟؟
انه حبج اشتريته وانتي برخص سوك بعتي
لا تجيني ولا أريدج بجّت الفرحان ونتي
أني عفتج؟؟
أنتي عفتي !!
رد مع اقتباس
المشاركة الأصلية كتبت بواسطة najah
