صح طبعي ورد بس مو عليه أدووس .... ا
لصرخه شما علت ما ترهب الهمسه
وصح سودة الليالي وبيها تهدة نفوس ..
بس طبع الليالي على الوكح شرسه
غص بيك الكَلب مثل اليغص بالموس ..
وما ينفع لشربة مــــاي يتحسه
أنا مارد صرت كَاعد وسط فانوس ...
ماريدن بعـــد بجفوفـــك تلمســـه
ولا أريــدك تمـــر بطيوفي كابوس ...
أنا عيوني سفينه والجفــــن مرســه
حفظ بيــك الكَلب أنـــواع الدروس ..
بس صحوة ضميــــرك ما حفظ درسه
دورتك لكَيتك حـــرف بالقامــوس ..
أتـــرجم بيك ثــــاري أنت الحرف نفسه
هــد هــد ما أصــير وطبعي جاسوس ..
يبو عرش الوهـم خــل روحك تحرسه
يبو طبع الخيــانه بكاس مــدسوس ..
يكَلي أشرب زمـــاني وكَتله مو هســـه
الدنــيا من تجــافي تغـير الملبوس ...
تنزع ثوب الابيض واســـود تلبســـه
أنــا دمعة يتــيم تبلــل النــامــوس ..
وفــلاح الصبــر مني شتــــل غرســه
رد مع اقتباس
المشاركة الأصلية كتبت بواسطة مرتضى التركي
