السلام عليكم أحبتي ..
اسمحولي بهاي الأبوذيات الحزينة المختارة من ديوان ..
(( أبوذيات على كمان الحزن ))
للشاعر اسماعيل الرسام
.. يا رب تعجبكم ؟؟؟
علي كلمة فرح يصعب .. لفظهه
وصبري آخر انفاسه .. لفظهه
أريد بأعله صوت اصرخ .. له فظهه
يملك الموت فظهه ومر عليه !!!
*** *** ***
الوكت شل حالي والعالم .. علي جار
ولا أخ الوكف لا حن .. علي جار
وهسه العمر واكفلي .. عالايجار
ضريبة ايريد عالعيشه الرديه !!!
*** *** ***
الدنية افراح ماكو .. بيهه إنـّـه
واذا أضحك ضحكتي .. بيهه أنـّـه
ضحكت الوم واشعر .. بيهـــه إنَّ
واظن باجر غضب تمطر عليه !!
*** *** ***
الدنية ما تجلـّـك .. من تجلهه
ولا تركــض تجيلـك .. من تجي إلهه
تره العيشــة مذلـّة .. من تجي الهه
لأن محتاج تبقه وللمنيه !!!
*** *** ***
أنه الطعنات صارت .. عدي عادي
لأن مليون واكثر .. عدي اعادي
ورغم كل هذا صعبة .. عدي اعادي
أسامح واغفر اشما شفت اذيه !!
*** *** ***
ذهابا ً وكتي يطعنـّي .. وإياباً
وجروحي يخجلن إينزفن .. ويأبن
وأبد ما خفت طعناته .. ويابن
خفت خد الزمن متصفعه اديه !!!
*** *** ***
رد مع اقتباس
