هنا

[ستار الفرج]

ربك هوه ادرة بحالتي وياك
وصدكني بجوابك هوه يسمع
اذا انا البخت بجيتة عالحال
وابو كلب الحجر خليتة يدمع
ماافك باب حزني شما تدك بيه
واذا فكرا افكة جروحي تطلع
ضحكت بوجهي لكن ضحكتك سيف
فرق ضكة جبير وطفل يرضع
احسك بية تاكل مثل الغراب
وجنت تسمع عوافي لمة تشبع
على جرحك الي جنت استلذ بيك
وملح فوك الجرح تاليهة تزرع
انا البيدي صنعتك وردة من نور
اشو سجينة صرت وبية تطبع
مليونير صرت وتاجر جروح
وفقير بحظي اﻻكشر خردة اجمع
يااترف عذاب واعذب اتراف
مااريدن عذابك منة تكطع
ويااجمل حزن عشت انا وياه
ويااطعم مرارا جنت اجرع

[ابو علي المياحي]

جداً رائع