يمه لا ترحين عني وبعد ما فرحه بحياتي ولا ضكت طعم المحنه وما شفت خير بشبابي
يمه جن الليل يمه وهجمت احزاني عليه
يمه وانه اغفه عله صوتج عسن لاحتني المنيه
يمه عمري يروح فدوه ولا تمر بيكم زريه
جانت الجلمه عله روحي تبرد النيران بيه
وجان جفج من يمرني تهون كل صعبه وجسيه
يمه ما حسبت عمري النوح رافكني بشبابي
وتهيت راي الموده وعفت كل ربعي وصحابي
وناس تحلم بس اجيها وناس ضاعت في طلابي
وانه نكطه مستحه وهمسه خجل ذاب بعتابي
انه كلش ترف يمه وما صغت غير الحقيقه
جنت ما اكتب شعر روحي انثرت يمه بطريقه
يمه من كثر المحبه انه احب حتى صديقه
يمه فدوه عيونج انتي الدمع طافيها بغيابي
يمه روحي تصير ذاري الكبرج وتنثر ترابي
ومن دمع عيناي مايج اصفى من كل العذب
يمن ما حبيت غيرج غيرج الحبهم جذب
رد مع اقتباس
المشاركة الأصلية كتبت بواسطة اسماعيل الملك
