ااكتم شوك حبك واكتب الكلمات
واذا اسكت بكلبي انوب تترتل
حبك امتحان يدوخ الميدوخ
لان حتى الجواب عليك هم يسال
يقاموس حبي شكثر بيك قريت
قريتك ورقة ورقة ومالكيت الحل...
علمني الدرس خليني مرة انساك
بلكي من الجواب من ايدك اني انحل
بلكي جروح كلبي يكسرن الشفات
صدك جنك ورد بس الورد هم يذبل
صدك تكتب شعر ودفترك متروس
بس بيت الشعر كلي شوكت يكمل
كلي شوكت تاخذ حصتك بدنياك
اشو لبسك سواد ودوم تتختل
ساجن بالقلم ماضيك الي فات
طلعة وكلي اليصير يصير لاتخجل
علمت الورق يجمع حزن والام
وعلمت القلم يعاشر المنجل
واكف بالحصاد ومنجلك مكسور
تدلي الناس كلها وانت ماتندل
وارد الكاك بس شلون الكاك
الشمس والفي بالشمس مذبوح
والكاك انت بلبل شوك
ميغرد مهنتة النوح
وترجع تالي يمي هنا
حتى المكبرة متروح
رد مع اقتباس
المشاركة الأصلية كتبت بواسطة اسماعيل الملك
