اديه اطوال غير العوز ما الوح ،،
لو ما عندي گطره اتشلبه قمه،،
الشماته ويه النفس گامو يمرون،،
حياله ..السهم لفو بچلمه،،
العاجر ما اتلاگي بگدي شمات،،
يعيرني الهوه لو ردت اشمه،،
صارت عندي خبره بملگه الوجوه،،
اضم اصفاحي اذا لاگيت الاعمه،،
أخم بحضي ابيض ما شفت بي،،
شفت من چفي بس اثار غمه،،
حيل البيه مالح مصخه العوز،،،
رغم ما عندي شي بس عندي كلمه،،،
عشگت الگاع مو معناهه ما الوح.،،
بس تكسر ضهر عشرة النجمه،،،
مثل رفجة رفيج مرافج الروح،،،
يگسي وياي بس طلعتهه نعمه،،،
الهوه گمت من اشمه اشاهد وياه،،،
لو اندله ملك الموت الزمه،،،،
اجر بحسرتي جرت مساجين،،،
واحدهم حسرته يودع امه،،،
عيني وعين الاعمه ايشوفن النور،،،
والله النور كله بعين الاعمه،،،،
الاعمه يشوف كل الدنيه عميان ،،،
مو مثلي الشماته بعينه زحمه،،
شگلك بيه صفنه تربي عصفور،،
ياخذ راحته وياخذله حكمه،،،
مو زلمه اليوشل گصته للماي،،
ولا كل العرگ يتسمه زلمه،،
كون الزلمه تلگه بدمه عباس،،
مو خوان يوسف تلگه دمه،،
اكو تلگاه مگرم غيرته تگوم،،
واكو راح ابعرس من ماتت امه،،
صم تراب اضوگه بملك هارون،،
ولا چف الحرامي بچفي الزمه
رد مع اقتباس
المشاركة الأصلية كتبت بواسطة ياسين الجبوري
