حسام السبعاوي
آكل بروحي
لو يوم المربع صار خمـــــس اضلاع
عله هاي الاوادم ممــــــــــــــكن اترفع
الغالي برخص لا والله ماينبــــــــــــاع
مازال الشــــمس باليل ماتــــــــــــطلع
بس خليـــــني وحدي ولا تمدلي ذراع
تره دكتــــــــــور غيري العلتي ماينفع
متعود عليه وافتهمني بســـــــــــــــاع
واعرف اني ليــــــــــش وبيمن املوع
اندل عركي وين ومااكلـــــــــك ضاع
حشـــــــــه كدرك انه بمو كل بشراقنع
اذا مابيــــــــــك توصل لحد سابع كاع
اكعد ماكو داعي وياي لاتــــــــــــفزع
اطباع الاوادم واني بيه اطــــــــــــباع
يتهنه بحيـــــــــــــــــــــا ته البيه يتطبع
موجوع وابد مااشــــــــــتكي الاوجاع
دوم احجي ويه نفسي ومني دوم اسمع
لوله استوحشــــــــــت ماكلب المذياع
اكعد ويه روحي ويمهـــــــــــــه اتربع
ربع كلبي اكلته وبقه اتلـــــــــــــترباع
عله باقي العمــــــــــــر يادوب تتوزع
لاتسالني ليش وشلســــــــــــبب ملتاع
لان لو ردت اجاوب عيــــــني ماتلمع
وبلمعة اعيوني اســــــــــرار ماتنذاع
ماابخل علــــــــــــــــيك وبيه لاتطمع
خليني السفينه التمشـــــي دون اشراع
خليني ارد اروح وبــــــــــعد ماارجع
اســــولف ومن اسولف اشتل النعناع
والجـــــوري الملون بالدروب ازرع
شــــاعر واختنك مثل الطفل لو جاع
يبجي واني ابجي وعينــــــي ماتدمع
شراي اصبحت ماصبــــــــحت بياع
وذا تجهلني اســــــــــــال عني واتبع
بالعشرين لكن فاح صيـــــــتي وشاع
افوج ابحور زركه وبيهـه اغط وابلع
مو صاعين عشره من ارد ارد الصاع
ولا للنذل عندي انســـــــــــــان يتشفع
المركع ارده الميــــــــــــــبر الركاع
مايكعد اكبالي ويحــــــــــجي المركع
ابن اثنيـــــــــــن اني والي والهم باع
بالعز بالكرم بالطيب بالمــــــــــــنبع
اكبر مااتكبر ابن بيت ســــــــــــباع
والاصلن ســــــــــبع ماحاجه يتسبع
رد مع اقتباس
المشاركة الأصلية كتبت بواسطة ملك الطيب
