رد افتحلي كلبك خل نرد احباب
ردلي وداعتك محتاج احاجيك
ردلي وما اكلك اني زعلان
وبنص الكلب ياحبيبي اخليك
تذكر من كلتك والله مشتاك
قصدي هواي احبك وبقى اتانيك
بس شايل احساس وطبع معروف
احب بس استحي وشلون اكلك
عرفتك هم تحبني وطبعك وياي
لذالك باقي لسه وياي وصلك
احبك حيل هيج وفطره والله
وكلبي يريد بس يصير خلك
خل نرجع بعد شمتاني ياهواي
ارجعلي وشرط مايوم اضيعك
عليه الييييل طول يمتى مرتك
وريدن بس اشوفك يمتى مرتك
احس بالجوع ﻻكن يمتى مرتك
احس البصره ونته ابين اديه
شلونك لاتگلي منيلي الوان
وياهو العافة ولفة وعايش بخير؟!
تبدي الوحشة من جيت الخفافيش
لحد ما يبدي دووام العصافير
اعمق الموضوع من ماي الفرات
ماي بس ياماي زينب رادته
الجربة سطحية وغباء عند السهام
ماي ثاني تريد ذاك بكصتة
وهو يدري ومارجع رايح يموت
شلون يرجع غير زينب وصتة !
مو هينه بصراحه نطوي اعز كــــتاب
وامسح كل حروفي واشطب حروفك
مشكلتك تحب اتعيش حتـــه اتعيش
خالي من المــــشاعـر بارده جفوفك
ماتــعرف تقـــدر واحـــــــد انجن بيك
... حـَـبك من عـــذابه وقــــــدر اضروفك
مارادك تواعد كـلبــــه بالكـــــــــلمات
ولا رادك تضــمــضـم عن هلك خوفك
رادك للنهايه تعيــش بـــس ويـــــــاه
اعمه ومايــــشوف وكـــامش اجتوفك
... اجاك بلا سلاح وبيـــده شــــال ورود
شجاك اتخبلت وذبحــتــــه بسيوفك
تجاعيد الكبر سوون بوجهي فياي !
وانا جنت اليصدلي اترس عيونه خدود !!
وامتد البياض من الكلب للراس
حرب والبيض بيها انتصرن اعله السود!
يحب ايدي اليطبنة يظن جبير البيت ..
رغم ما بالهوية اني اخر العنكَود
وحكَ ملحك فهاوة ناسي ماتنضاكَ
من ملكَاهم اطيب بابك المسدود
شگد ماتظل غايب راح اتانيك
وعلى جمرة غيابك خل اعاني
شگد ظلت زليخة اتاني يوزرسيف
واني بگد زليـــخة راح اتانـــي..
الدنيا دروب ... واني الكل شريف جدام
وشرط مامر درب
ماعاشر الوردة
الطين الحري ماحطة اعله وجه الخان
اظلمة بوجه واحد غيرة ماعندة
ترف...
بس وية كلمن يستحي من الزاد ..
اليخون بخبزة امك من يمر طردة
