تبجي وتهل دموع صدكني العيون
السبب مو فركاك طب بيها صابون
تبجي وتهل دموع صدكني العيون
السبب مو فركاك طب بيها صابون
بعهد صدام جام البيت مكســور
ومن البرد ليلـــــــــــك ما تنامه
هسه البيت زين وصار بيه جام
بس كلب العراقي انكــسر جامه
الكراسي كاعده فوك الـــكراسي
لان ماكو زعيم ولا زعامــــــــه
ذله بذلة نكضي الليل ما ننــــــام
والبصبح بالمدرسه ندرس كرامه
ووالدنه الوطن بابا نــــــــــسميه
شو بابا عدل وحنة يـــــــــــتامه
عجيب شكد ايمة يا وطن بيــــك
ووجهك للرحم ما بيه علامـــــه
عجيب وبيك ابو فاضل العباس
عند جف ولا عندك شهامــــــه
ممنوع التجول يا وطن بيـــــك
لان حتى الدرب ساحب اقسامه
وشمل منع التجول حتى العظام
والدم ماكدر يمشي بعظامــــــه
حمام الناس ونته يا وطن حوم
منك ما اظن تسلم حمامــــــــة
انت بروفيسور بقبض الارواح
وعزرائيل الك دنك الهامـــــــه
طك كلبي عليك وجيت اشوفك .....على بختك تكلي شعندك وجاي
والله حتة هل كلمة حلوة منك.......... واتمنى علية تعيدهة هواي
لذالك حتة انة اسمعهة اكثر....... راح ابقة علة بابك رايح وجاي
اشما تصعب علي صدكني ارتاح.... اريدنك صعب لاتسهل وياي
يجوز بهاي ايدي الزم سباع........... بس تخوني من الزم الماي
على بختك شنو السويته وياك.. عفت ناسي وخذيتك عوض ناسي
احبك ما احس اكرهك فد يوم..... واذا حسيت هم اكره احساسي
يذكروني بعذابي الشفتة وياك............ واذكر واكلهم والله ناسي
كلش قاسي وبالذات وياي......... واكول وياي بس انتة مو قاسي
وكفت انتة علة راسي بجدم سكران... وتريد اطيح ويعدلك راسي
بحبك تختلف حتة القياسات........ صفر حبك كسر رقمة القياسي
ومدري شبية اشمك وانتة عاكول..... وغيرك ما اشمة وهوة قداح
واحس نغزاتك رماح وية الانفاس. واكول افيش وانة اتنفس ارماح
اذا ماتسمع صياحي الخلل بيك. اليصيح احسن من المايسمع صياح
واذا انة طحت صدكني ماضوج.... الوكفتة طولت بالطيحة يرتاح
بس خلي ابالك ياضوة العين... الاصيل تروح روحة لو محب راح
المرجوحة الاصيلة تكطع حبال.... اذا بالعيد من عدهة طفل طاح
تلاكينه وكف كلشي بحركة الكون
بس خطواتك وخطواتي احس بيهن
دك السر الاحدة بوسط روحي اجراص
وفتلت اوراقي الجنت طاويهن
الشارع شالني حد ماوصلنه الغيم
وانتحرن جروحي وجلبت بيهن
ها نتلاكه ها الراح يهون
زعلانات مني وبيك اراضيهن
انا مابينك ومابينهن محتار
تلجمني واكلهن بيك اداويهن
كل ماتقترب جرح السنين يطيب
يلتم والثواني خيوط اسويهن
هي لحظات بس لمت هواي جروح
ماطابن بروحي وكل سنه اجويهن ..
تره المجروح بالحب لا تظنه يطيب``
يبقى شما يصفن .. يلجم اجروحه`!!
للخوّه اشلع عين... وامشي بفرد عين
ولليوفي مره وياي... اشلعله الاثنين !!
نسم علينا الهوى .عن ياهوى تحجين...
نسم علينه الحزن فيروز متسكتين....
نعله اعله الشعر من صار لليوم
كلما ادفن اسراري ايطلع المضموم
تــــغيرنه وتبدل طـــبع الاحباب
ورق اشجار صرنه وبلهوه انطيح
عين بكاع جنه وننضح اشواك
وهسه احنه سفينه بلا ملاليح
اذا مات النبض شصيح الكلوب
مثل غركان ناشد عل السوابيح
هياكل فارغه وعافتنه الارواح
الوكت عيد وعليه شحت مراجيح
كتلك جيب كلبك عوفه وياي
المن عفته باقي بنوحه ويصيح
مثل طفل بنهر عايفته الاحضان
فتحة ريج لحلوك التماسيح
