عميت الشوك لجلك مابيش
شبجيلك دمع والدمع وشلته
وشفك ياباب منك وأنته كلك بوب
مفتاح القفل واحد وضيعته
تشب نيران روحي وتشتعل بارود
وأتفجر شعر وياك بس أنته
مثل الماي من يصعد بخاره الفوك
يمطر شوك روحه وينزل بقوتهأحسك صوت بيه يهز سكون الليل
ومن أوصل البابك انكلب سكته
وأشوفك نار كبره وتشتعل بالروح
دخانك عماني ودربي ماشفته
وأشوفك بخت بيه وحرز سبع أعيون
والناس عله حبك كلبي حاسدته
وأشوفك معجزه وممشاك فوك الماي
ومن نكله اجدامك بحر نشفته
وأشوفك سرعزيزوحرت أضمك وين
تعنيت السمه وبالغيم أمنته
كلت باجر يجيني وأكدر أحجي وياه
شفت طولك كبالي وحلكي تيهته
مايوصل لحسنك بالبشر مخلوق
وخفت من الكمر جي بيك وصفه
تناوشت الكمروبأيدي أملخ بيه
نزعته البياض وحزن لبسته
اعجبني
رد مع اقتباس
