الاحساس
عله كد عقله كون تخاطبه الانســان
حشـــه كدرك يغاتي بهاي ماعلمك
الاحســاس نعمه تخص بني الانسان
وادعي الله بعديم احســاس ليوهمك
الحر يفتهم قصــــدك بنظرة عين
واكو من لو تاذن بذنــــه ميفهمك
ضعف موقف الجاهل وانته تحجي وياه
راح يكون واضح لمن يكلــــمك
لو يثرد بصف الصحن والــماعون
لو يغلط عليك وبالحجي يشـــتمك
اذا عندك علم ويجادلوك اثــــنين
العالم تفحمه الجاهل يفحـــــمك
تره المايفتهم ماعنده كل اســـلوب
اســـكت عنه لو جابه الوكت يمك
لا تكعد ابمجلس بي الجاهــل شيخ
يتجاوز عليك ويحتـــــرك دمك
الماصحته بســـمه وكتله يابو فلان
ثق مو محترم من يندهك بســـمك
عزي المجـــتمع لو ماتت الاخلاق
وارحل عنه وامشــي وكلشي ليهمك
ديره الماكو تيهه الناس اليفـــهموك
غادرهه وترخص من ولد عمـــك
شنو ذنب العمر حته بصــبر تكضي
باجر عكب باجر ربك يرحمــــك
من تلكه صديق يصونك من تغيــب
غصبن ماعله العذال تحترمــــك
ومن تلكه حبيب يحبك الفــــحواك
يعني امك دعتلـــك بوس جف امك
رد مع اقتباس
المشاركة الأصلية كتبت بواسطة ملك الطيب
