صاحب من صدك
صاحب من صدك واتباهه وافخر بيك
انته حزام ظهري البيك اشــد حيلي
الزينات كلهن والســـجايه الخوش
منك اشـــــتريهن وانته معميلي
اشـهد ماعفتــني بنص درب فديوم
وتظلم الدنيه وتطــلع ابلــــيلي
غيرك بس حـجي وماكول عنك هاي
انته مجــرب وماحاجه تحــجيلي
اذكرلـك مواقـف حلوه وانته الزين
عكس الي تخلـو عني توفـــيلي
تســلم يل تردهم من علي يحجون
وتـــــدافعلي بغيابي وتحاميلي
خطوة اباثر خطوة الدرب جبته وياي
تســـتاهل يزين افرشلك اشليلي
مامحتاج شـي بس كول عد عيناك
اضحـــيلك يمن دومك مضحيلي
واوكفــلك بظهرك ياابو الوكفات
وامشيـــلك مثل ماجنت تمشيلي
وكعدلك مثل كعدت عرب عالكاع
يل وجهــك ابكل الخير يوحيلي
عله صدري اديه والك احني الراس
مثلك ماكـو ادري وياهو يلكـيلي
لايكـــلك عبني وانته اليه اتلوك
يـــااول امعدل طلع من جيلي
ويااخــر معدل طلع من جـيلي
رد مع اقتباس
