آقـ☻ـرۅۅۅآ آلـ☻ـفــآآآآتــحـ☻ــــة
اكدر اضل عايش حزين وياك
وانت بغير عالم واني هايم بيك
مامجبور اموتن واشتعل وانهار
وﻻ مجبور احير بعيدك شانطيك
من شفتك تحب وتساند الياذيك
جنت مثل الدرع واكف اصد الناس
واطك بوجه اليحاول يمس طاريك
ومن انه اتعبت انت ادفعتني بساع
شلونك ماكلتلي وﻻ كلتلي شبيك
رحت بكل صﻼفه تعانك الباعوك
وبيديهم تخلي كبالي ذني ايديك
مريض انت صدك راجع طبيب ارجوك
مجنون انت كلش ماجنت ادريك
ما اشكيك ابد ﻻ والله ما اشكيك
وما اخليك ابد نص كلبي ما اخليك
روح اركض وره العافوك يامسكين
روح انت مثلهم ضايع وجذاب
وهم عندك مثلهم لﻸسف وجهين
اريد احجي واريد ارتاح من الليل
وشيفيد الحجي ويه الغدو ميتين
مثل اطرش كعد بالزفه انت اليوم
ورغم صغرك اضن عمرك صبح تسعين
مرحوم انت ميت عندي من اشهور
وكل شهر اني احسبه براسي عشر سنين
واذا ذكروك هسه كبالي اكلهم ماااااااااات
اقرو الفاتحه ونقراهه الك مرتين
رد مع اقتباس
