غصب چف العطش
ذب الدلو بنص بير
طلعت الدلو ماجيت جريتك
گتلك هسة اجي،
وما شفت وجهي شگال
گاعد تنتظر للآن خليتك
شعلتك بس شفت دخان بيك هواي
عماني وما دفيت وبيدي طفيتك
تعض ثوبك صبر
خايف الصرخة تبوح
شتضم صَرختك
شافوني چويتك
على نجمي بظلام
ووصليتك ليش !!
بس طلعت شمس
ما چني دليتك
أخذتك للنهر
بس شربيتك ماي
ولليسأل گلت
عطشان رديتك
شلت چم ساف منك
حتى اشوف الغير
حجبت هواي عني
وآني نصيتك
شيبخر النهر
كل عقلك يشوفوك
وانا بنص النهر
ملحاة ضميتك
رد مع اقتباس
