الحبيبه:تسحرني يلمحبوب نشوة كلامك
مادري ليش الروح تظعف امامك
الحبيب:موظعف هذا البيج اجمل عواطف
حاطتني بلاسلاك خلتني خايف
الحبيبه:لاتخاف يهواي بالكلب بيتك
موقصدي انه ارهاب من حوطيتك
الحبيب:موكلبج سجن خلاني مجتوف
وخبار هذا اليوم ذاعتني مخطوف
الحبيبه:هذا العشك يهواي رايدله ساعد
اخطف حبيبي بليل واكسب مقاعد
الحبيب:تكسب مقاعد زيف موينحسب بوك
كلمن يريد هواه يقر عله صندوك
الحبيبه:شلقصه يلمحبوب صارة سياسه
العشك موش احزاب كلمن وفاسه
الحبيب:لايابه منهو الجاب طاري السياسه
بس الوطن محتاج اشوية حراسه
الحبيبه:خليني بلموظوع لاتبعد بعيد
ليش الكلام وياك يحبيبي مايفيد
الحبيب:ماكدر اسكت ضيم وبصدري ياكل
شفت الورد مذبوح تظحك مناجل
الحبيبه:ادري الكلام البيك يحبيبي بيه
كلمة محب تريد تحرسنه هيه
(((((((((((انشاء الله تعجبكم الشعر))))))))))))
رد مع اقتباس