هنا

[بنت الناصرية]

بفراكك..
حرقت هدومي الحلوات
نشفت الدمع و الريج
وفلّيت الشعر عالمعبر بريسم
واتاني تمرّ..
وكم شمس التغرّب ..
وانته ما مش صوت
و بـحـرقــــــة أحــــط ايــــدي ...
واشك الزيج
و اكولن ليش يا ربي ...
خلص كل حزن الحليوات ..
وآنه بضيج
يا ربّي ..
كل شط عبرته الوادم
جا ليش الاريده يصير شطّه اغميج ..؟
واتنطر تمر .. مثل العراق بعين البعيدين
وتمرّ الشمس بالعين
ويمرّ الكمر بالعين
ويضيع النجم بالعين
واشهك من اشوف الناس..
تمشي اثنين..
كلها اثنين ..
وآنه وحيدة يا روحي ..
تعلكم وسط حلقي الريج
ياشط الفرح .. رد للحديثه اردود
رِد اغميج
خـــلــينــــي أفـــــــوج ويــــاه ..
ريــــــج ابريـــج

[حيدر الطائي]

رووووووووووووووعة
عاشت الايادي

[احمد الفجراوي]

​حــــلـــــــو

[بنت الناصرية]

نورتو ..