ماكول الشـمس تكدر تضمهه اغيوم
ماكــول الكمر تاخذ مكانه انـجوم
بس بكــلبي ضـلت اربع حجايات
زعل صاحبك يطلــعلك المضـموم
من كد ما معاشر بشـر صرت أستاذ
طير الحـر اعرفه وادري ياهو البوم
الكبالي وجه ويبــــدله حين اندار
ماعده رجل لا والرجل محشـــوم
مااضحك جذب مابوس خد مجــبور
ماصاحب دغش لوله القيــامه اتقوم
حك الله صــدك مابي ابد كل عيب
واليزعل ايخصه ومالي بيهـه الزوم
البلا خير ميدك باب وجــه الخـير
ومراية جهرته ابيـــت وجه الشوم
وانه طبعي من افارك احسب الهه احساب
مافاركت يوم وبتت بي مهــــموم
بحق نفسي جبت كل العمر غلطــان
بس مو ويه غيــري وهذا شي معلوم
اوكـف للزلم واتحزم احزاميــــن
لشـــــباه الزلم لااوكـف ولاكوم
مرضه العالجتـــهم نسـو كل ماكان
فوكاهـــه طلعت مقصـر ومذموم
بس هزيـت ايدي وراســي ماهزيت
لان هزت الراس اعــتاب يعني ولوم
واني اتعلمت ماعاتـــب المــيتـين
هيه الفاتحه واقراهـــه عالمــرحوم
رد مع اقتباس
