علي بيبان جنة وعلي المفتاح
(( علي بيبان جنّه ))
علي بيبان جنّه وعلي المفتاح
وعلي العروة الوثقى ولبّة الدين
علي قبل الخليقه وقبل الارواح
قبس من نور وجه الله مو طين
علي ولوما علي كل وثن ماطاح
ولا راية محمد وصلت الصين
دين الله أرض وبي علي الفلاّح
وزرع صوم وصلاة وحسن وحسين
علي الواضح ولا يحتاجله ايضاح
علي زوج البتول وأبو السبطين
علي الما بارزه واحد ولا طاح
ابتداءً من بدر اوو وصل صفّين
لرگاب الكفر والشرك ذبّاح
علي ويامن نقيسه بيا ميازين
علي السكّت ابن ود من حچه وصاح
وضربته اتعادل عبادة الثقلين
علي الچان بسفينة نوح ملاّح
اوو هُمْ لِلات والعزى يصلّون
علي الخوّف الجن ومروْض الاشباح
وطوّعهم بحد السيف صوبين
علي بحر النجاة اوو بالأرض ساح
فلا طلگت اوو لولت بي نساوين
بي طلگت الكعبه ويه السمه افراح
بعلي المفروض ما يختلف شخصين
علي نهج البلاغه وبالأمر باح
علي ربعه اليتامه والمساكين
اريدن فد خطأ بهل رجل ورتاح
واگول الخالفوه حقهم محقين
علي وجه الحقيقه اگبال مصباح
فلا تقبل القسمه وتصبح اثنين
علي حبّه ابگلبنه معلگ اوشاح
اوو گلب البيه علي ميخاف ويلين
رد مع اقتباس
المشاركة الأصلية كتبت بواسطة رجل استثنائي بكبريائي
