من روحي اختنك واتلثمت مجبور..
(الم البدرب بس كمت اطيح احساس)..
واصبر روحي بحجاية شغل مو عيب..
يا مو عيب وانا بكل رصيف انداس..
احس اكنس كرامة روحي مو بلكاع..
شجرة ويبست واتسلة بيها الفاس..
يطلعون الطفل للدك على التلقيح..
وايطلعون الطفل بس بدينة جياس..
نعم صدرية لابس بس فضحني اللون..
عليه دكتور كالو وانا لا كناس..
حتى اكسب اجر ادفع كرامة شاب..
المهم سمعة خواته بشيلة ما تنجاس..
انام وحتى نومي بلاية راحة بال..
من كد القلق وكفت خلاية الراس..
واكوم بلاية واهس جن يتامة الشام..
واحس جيت الصبح جن كتلت العباس..
قلدت الحرامي عيوني ما تنشاف..
متلثم اخاف من الاحبها اتمر..
شكلها؟ اجمع مهر خاطر نكون بيت..
اكيد اضل علية بجف ايديها اتفر!!
اجرت الشهادة لعنكبوت البيت..
سكن بيها وفرح جي بيتي كلة ايخر..
وكل راس الشهر يدفعلي خيط ايجار..
بحيث النضرة تعثر جوة فنها اتمر..
خل انصفي الضماير ما يضل ميحتاج
لان نلكة النفط على الماي من احفر......
رد مع اقتباس
المشاركة الأصلية كتبت بواسطة النقيب
