وعندما تحقق هذه الحلم جاء الموت وسرق حبيبها فجلسـت
((عــند راسه وقـــــالت))
منتظره واكول الفرحه بعد ايام
وتهل هلهولة امي الماكو منه احله
وصديقاتي يجن واتباها بيك اهواي
واكولن هذه خلي الوافه ويـــ خله
احسب للخميس احساب يابو احساب
انه اتحدى عروس بكدي تحسبله
واجه يوم الخميس وأمر ربك صار
انه اتمنيت ذيج الساعه ارد طفله
كلت ليلة عرسنه اني اظل سهران
اشو من وكت نايم شنهي موفشله
اجه موعد عرسنه الناس مجموعين
شني نوم المكابر مني صار احله
اني ادري الكبر طابوك موش اخشاب
طبتك للكبر هم تنحسب دخله
صعب ليلة الدخله الوحده رايد حيل
هسه وياه فراغك كلي شيحمله
ردت شدة ورد ماريد اشد احبال
ولا قاط بجفن يلمعرس اتبدله
كوم اوياي خاف المادرو يدرون
وخاف انه بضحكهم يزرف الطبله
اجه شامت اليه الوحدي متكوم
يكَلي اتأخرت زفتنه شنكَله
سهلت الامور المهر والحلقات
بس سدت اعيونك عندي موسهله
متت بحزام ناسف يعني غير احزام
وانه الظنيت ايدي احزام للبدله
رد مع اقتباس
المشاركة الأصلية كتبت بواسطة star light
