هنا

[عاشقة ابو تراب]

السلام عليكم حبايب شنو رائيكم بالواجب البيتي والطالب يكتب الدرس 4 مرات بالنسبة الى طلاب الابتدائية وخصوصا المراحل الاولى والثانية اني بصراحة ضد هاي الفكرة تعرفون ليش لان الطالب بهل مرحلتين يكون ممتاهل للكتابة ويكون بطي اكو بعض الامهات يشكون من هاي الظاهر بان الطالب يقضي اليوم باكملة بالكتابة واخر شي الطالب يصير عندة ملل وبتالي مراح يحضر واجباتة ولكم جزيل الشكر

[Błäçk šhãdøw]

والله اني وياج بالفكرة هاي وبعدين احنة افتهمنة علمود تقوية الخط بس هيج راح حتة معصمهم ايكوم ياذيهم وعيونهم همين من اشكد ماراح يقرون
وشكرا على طرح الموضوع

[الحالمة]

اني ضدها تماما لان عندة غير واجبات وبهيج حالة راح يكره المدرسة من كثر الظغط
بس ويامن تحجي

[ايليا]

اكيد حسب وقت فراغ الطالب
ومدى ذكائة
بس اني اكتبة مرة وحدة هههههههههه لان كولش ذكي

[August]

طبعا هي غير مفروضة على تلميذ الابتدائية
ويمكن الاهالي يتضجورون من ضغط الواجبات على التلميذ
مرات المعلم يقصد بيها ان التلميذ خطه يقوى اذا مارس الكتابه اكثر بس هي اكيد متعبه للتلميذ
بس احسن طريقة لتقوية الخط هي كراسة الخط اليدوي والي انلغت مع الاسف من المنهاج
طبعا ما انكر انه نظام التعليم عدنه ما يؤدي الغرض منه لان ما يتعلمه التلميذ بالعراق في سنه
يتعلمه التلميذ في الخارج في اقل من اسبوع
تقديري

[عاشقة ابو تراب]

السلام عليكم يعني انتم رافضين فقرة كتابة الدرس اكثر من مرة بس منو يسمعنا للاسف نحجي ونتعب وماكو مستمع شكرا على المشاركة

[ابو جاسم الزيرجاوي]

عالة العكس اخي من خلاال كتابة الدرس اربع مرات سيتمكن الطالب من تقوية يدة علة الكتابة خصوصن اذا كان بطيأ وهاذى يساعدة على السرعة صح راح يتعذب بس بل اخير راح يستفاد ويجمل خطة