هنا

[علي الازيرجاوي]

كافي لخاطر الله ..شجابها؟ وشتريد؟

انه موشل سنين ورجلي بالحفره

اجت فرحانه كالت صار عندي وليد
كلت عندي جرح تقريبا بعمره

حجر خطوتها..تمشي..براسي تجدح نار
وانه براسي حطب وافكاري موخضره

اجت وياها واحد حيل موخيال
شكلك مهرة..لا خاف اظلم المهرة

عفتها فلانه..لكن رجعت ام فلان
انه مودع نهر..رجعتلي بس كطرة

اجت وكماط ابنها..وشعري نفس اللون
كسرتني..الجنت خاطرها مااكسره

الانحازلها حتى من ارد انام الليل
احطها بعيني..واطرد كل حلم برة

الي وياها موقف مااسولف بيه
بيه حتى الابو..من ابنه يتبره

من جوه احترك..بس سكتت مجبور
ساكت..والبخور سوالفه بعطره

موصوج الملح..عمي الخلل بالناس
الملح لو بي خلل..جا غزرت العشره

عشت واقع صعب...ستر الله عالكابوس
كصيبة خوف...ويه ضلوعي منضفرة

وصفار الب الوجه..ردت فعل هجران
من اباوع وجهي احس الكصبه موصفره.. —

[حـــلاة الـــروح]

موصوج الملح..عمي الخلل بالناسالملح لو بي خلل..جا غزرت العشره
روووووووووعة

[المستبده]

عاشت الايادي ع الكلمات الرائعه
شكرا لك
تقييم

[علي الازيرجاوي]

منورين يا ورود

[ٱجَمل ٱنٌسًٱنٌة]

صح لسانك جميل جدا الله لا يفرق كل حبيبين ع بعض