في حب الامام علي عليه السلام
من اســـــمه جميل الخــلقه والأخلاق
علي وبإذن الله الضــــــــــده يتنـــصه
بالكعبه انولد وتخيل المـــــــــوضوع
مخصوصه العلي ورب العرش خصه
علي ربا محمد والثلــــــــــــــث تنعام
علي بكلب الرســـــــول وكاعد بنصه
يوم الناس جانـــــــــت تعبد الاصنام
علي مادنك ودك للصـــــــــــنم كصه
علي اول غلام ايفــوت للاســـــــــلام
يحرص عالرســــول ومحد بحرصه
علي اول فدائي انعرف بالتـــــــاريخ
واني وانته ندري ونــــــعرف القصه
وبذكر العزم والقوه والشـــــــــجعان
علي هوه الاســـــد وش للاسد حصه
علي بســـــــوح الحرب يتلقب الكرار
نصين اليضربه ايشـــــــــكه ويكصه
ذو الفقار ينزل مثل ملك المـــــــوت
اذا لله انشـــــهر ومن الله اخذ رخصه
علي حارب الجن بـــــــــيوم شاء الله
والجوه الارض عالفـــــحل مايعصه
علي حاشـــــــــــا سفك دم البريئ بيوم
علي الحــــــذر علي الذكر علي الوصه
داعي الكل فضيله وخير ابو الحسنين
فرصه وبخت عنده الحظه بهالفرصه
دنيه ودين يعلم كلشــــــــي الا الغيب
وبشطه غشيم المايــــــــــــــذب شصه
علي شما خذت منه اتشوفه بعده اهواي
علي مثل البحر والبحر شيــــــــخلصه
علي الحســـــــاس لمن يحضن الايتام
يبجي ويخــــــــــتنك بالعبره والغصه
صايم والفـــــــــــقير ايدك عليه الباب
وجان ابيته كرصـــه انطاهه للكرصه
عله كد ركع ثوبـــــــه ابلاد يحكم جان
يتعجب العد الركع والاحــــــــــــصه
ماغرته الدنـــــــــــيه الدنيه همت بي
ذلت روحه وماكــــــــــدرت تخبصه
علي مايـــنوصف ببـــــــيات معدودات
علي تاريـــخ والتاريخ شـــــــــــيلخصه
علي ماجــاب طاري الشين بالمو زين
ناقص ماكو غير الراد ينــــــــــتقصه
بس ابن الحلال أيـــــحب علي الكرار
وبس ابن الحرام المايحـــــب شخصه
للشاعر حسام السبعاوي
رد مع اقتباس
