درر العراق

هنوو · 12/July/2011

الاهي

عليك شلون اسولف لليســــمعون كلي شـلون والرجفه بشـــفاهي
وابدي منين مدري منـــين محتار و اول كلمه شـلفظ مدري ياهـي
كلماتي بســـجن واعرف بريئات و اريد اطلق سراح الجوه فاهي
احبك أي احبك واني مـــــــمنون و اعتز بيك واتفاخر واباهــــي
أي مشتاكلك وبصدري حسـرات اه و ماكو اه بكبر اهـــــــــــــي
مو من ثوبي ثوب الينسه ويخون يغاتي وثوب حبك علي راهــي
اذا جاه البعــــض املاك وفلوس انه عندي رضاك اعتبره جاهي
يربي وعزتك ماجيب طاريــــك اذا ماكول مولاي والاهـــــــــي
ولا شذيت بيك وعيـنك تشـــوف حالي وحال رواد المقــــــــاهي
شاعر واسـتعين باســـمك هواي مو شـــــاعر اباحي ولا فكاهي
ولا شاعر غواني وزير نسـوان ولا عربـــــــيد بارات وملاهي
وذا سـهوا غلطت بحقك أرجوك رحمتك عشـم للي جان ســـاهي

للشاعر حسام السبعاوي