السلام عليكم
لست من محبي نقل الشائعات .. و لكن سوف اذكر لكم هذا الخبر الطريف و العجيب بنفس الوقت
كنت جالسا على (كرسي الحلاق) محاولا تدخين (سيكارة) أثناء ما كان الحلاق يدور يمينا تارة و يسارا تارة اخرى حول رأسي ... و كان جالسا على الكرسي الاخر زبون ضخم الجثة ايضا يحلق شعره (او ما تبقى منه).مع الحلاق الثاني. فابتدأ بحديثه مع حلاقه (الاول الزبون و الثاني الحلاق)
- ابو فلان .. تدري صدام بعده عدل
- يا معود كول غيرها
- اي و الله تريد رقمه ؟ هذا موجود و خابره
- رقمه ؟؟
- اي رقمه .. هو يطلع بنفسه يحجي وياك او وية اي واحد يخابره
- معقولة ؟ صدام عدل .. و رقمه عندك ؟ و يحجي بالتلفون وية واحد ؟
(هسة راح يبدي الزبون يسولف السالفة .. يعني بس هو ظل يحجي بدون مقاطعة .. و احنه صافنين بالمحل )
- شوف راح اسولفلك .. البارحة صاحبي (فلان ابن فلان) خابره .. و كلله صاحبي اول ما فتح عليه خط .. اريد اسألك جم سؤال و اشوف انته صدام لو لا، كلله (صدام) تفضل اسأل ، كلله اني من بيت الإمارة ...(صدام) رئسا كلله ... لا تكمل اني راح اسولفلك السالفة .. اني ماخذ منكم مرة منكم بيت الامارة .. و مشتريلها بيت عل شط يمكم .. و اسمها فلانة .. صاحبي كلله .. إذن صدك انته (السيد الريس) ..لعد منو هذا اللي عدموه ؟ .. كلله هذا الشبيه مالتي (ميخائيل) و هو قبل يموت بمكاني ..بس اني عندي عتب وياك (, الكلام لصدام مع صاحب الزبون) .. انته بالقادسية ليش (فرار) .. فسكت صاحبي وانهى المكالمة. (أنتهت قصة الزبون)
فانبريت أنا (سامر) بسؤال الزبون:
- هو صاحبك صدك جان فرار؟
- كال اي فر بالقادسية و بعدين فلت لإيران و رجع بعد السقوط
كان يبدو على الزبون الصدق ... .. و ذكر عدة اسماء معروفة ربما في (الولاية) (و إن كنت لم اسمع بقصة المرأة من بيت الأمارة التي تزوجها و بيتها المزعوم).. .. و ايضا عرض علينا أن يعطي رقم (صدام) لكي نتأكد بانفسنا .... فخشيت اخذ الرقم و الاتصال لكي لا يعرف صدام إنني كنت أسافر بعدم تعرض (نافذ للصلاحية) طيلة سنة كاملة قبل إصدار دفتر الخدمة خخخخخخخخ
بالنسبة إلي . لا اصدق بالطبع .. ربما تكون خدعة من الزبون .. او خدعة من شخص يضحك على العالم و يقلد صوت صدام .. و ربما قد يكون فعلا (صدام بعده عدل)
اترك لكم التعليق
رد مع اقتباس
اقصد جميل جداً ..هع هع
المشاركة الأصلية كتبت بواسطة fairy touch
