ارجع يالكلت ارجعلك بيوم
صار اليوم ماترجع يغالي
ارجع يالخذت وياك السنين
تره بدونك ولا تسوه الليالي
ارجع بالجذب حتلا بالطيف
خل افرح وكولن مرلي الغالي
ارجع يالكلت لا لاتظن أنساك
وين وعودكم يالبكلب ساري
ارجع شوف حالي شصار من فركاك
يضحكون الشماته بواهس كبالي
ارجع آخ يمــــــــــه بعد ماظل حيل
ولك موكتلي اني روحك ليش تنساني
ارجع وداعتك خلوني مانام
يوميه يجون كبالي شماتي
يالرايح تعال الجرحي داويه
انه بلياك محد دره بحالي
صرت اغفه وفز بتالي الليل
وحط صورتك وبجي وذكر ايامي
يايوم الاذكره كلي حتى انساك
صرت دم بيه تسري بوصط شرياني
يسألوني عليك وحاير اشختار
وكلهم راح هسه يرجع الغالي
يادمعات عيني اتنطرك للموت
وظل متاني دربك لحد ماترجع
انه بلياك صدك جرف خالي الماي
وبدونك يغالي الدنيا ماتنفع
مخنوك بعبرتي وحاير ابدي منين
منين تريد ابدي وانت ماتسمع
تعال بروحي اضمك وقفل عليك
ولا طلعك بعد لو مو تكلي ارجع
على بابك انام متاني تعود
وظل بالباب اشمن لحد ماترجع
ماريده اني غيرك ولا يمر عالبال
اظل متاني جيتك كلها ماتنفع
ابقه وداعت الله يحفظك العباس
راح ابقه انتظر صدكني مااجزع
بقلم اخوكم
مرتضى الجبوري2013_12_27
رد مع اقتباس
المشاركة الأصلية كتبت بواسطة اسرار بلا عنوان
