معــذورين لـو نـرسب بـالـــــــفراك
على فــراك النحبــهم مـا درسنه
معــذورين لـو نـرسب بـالـــــــفراك
على فــراك النحبــهم مـا درسنه
ليس يعنيني تلاقي دربُنا
أم ظلت الأيامُ تحملنا لحلمٍ مستحيل
حتى وإن كان الطريق إليك عمري كله
سأظل أرحلُ في عيونك لن أملَّ من الرحيل
مو صحبة شمس ويمر عليهة الليل
عاين بالنهار و نجمة تلكاني
ولا صحبة سفر نتفارك آني وياك
صحبة موت واحد يدفن الثاني
يا أول سطر من افرح احجي وياك
يا آخر سطر من دفتر أحزاني
أكيد آني من أموت يدفني بيدة إنسان
بس ارجع عدل لو انت دفاني
تكلي الناس ضايج خيرك اشبيك...
وساكت ما اكلهم واحجي عن همي...
ما يحتاج اسولف هوة شي معروف....
وين الكة الفرح لو انت مو يمي....
ضكنا من الوفه ياصاح شهده
وعلى كلبي زمان الشوك شهده
العذل غير الهجر والندم شهده
غير اجروحنه التنزف سويه
اليمشي هواي لازم يكعد ويرتاح
فريت الدنيا كلها وما كعد حضي !!
بعد ماحط ملح لليكعد وياي
الملح لو بي ملح جاغزر وياك!
صافن تره من الضيم مو مشتهاتي
حاير شجيب اليوم لمـــي وخواتي
على جروحي ولك ذبيت ليمون .....
ماغزر ملحنة نجرب حموضة .....
بعدني امطر وفه لو غيمت شوك
وبعد بعيوني الكم شايل رسوم
شكثر كالولي انسه وجاوبت لا
انسه شلون وانتم جرح ملجوم
الغيم من الرعيد يخاف لو صاح...
لان صوت الرعيد يبجي الغيوم
وأنه عيوني غيوم محمله جروح
وبس يمر ذكركم تمطر دموم
عفتوني بدربكم شجر مزروع
وجنهه طيور فوكي تحط الهموم
من كد ما عليكم فاضن دموع
على عيوني النوارس ضلت تحوم
