انا امك املي بيك - فاجعة الشام الرادود باسم الكربلائي مكتوبة وفيديو وبصيغة mp3
للــــــــشاعر جابر الــــــــكاظمي
انه امك املي بيك وانه ادريك رفعة راس
ماغيرك الك اوصيك حكي اعليك يا عباس
زينب يا ضوه العين لا يسبوها مرتين.
.................................................. ....
عباس امك انه وتذكر بأول وصيه
زينب كل وصيتي من رحت للغاضريه
تمشي الراحله وخلف الظعن تمشي المنيه
جن قلبي علمني روحتك مابيها جيه
عيني اعله الدرب وانظر خبر منك اليه
لن جاني الخبر بت فاطمة اخذوها سبيه
والناعي هتف بصوت خط الموت عالاكرام
بت حيدر اجت اتنوح بيها جروح ماتلتام
ياريت اخت الحسين لا يسبوها مرتين
.....................................
الناعي من لفاني ينعه باطراف المدينه
انشدته ابلهفتي اوشوكي اوهظم روحي الحزينه
كال ابنج لجل زينب نطه ايساره ويمينه
طاح اعله الشريعه وبالسهم مصيوبه عينه
كال ابنج لون ما بالسيوف اموذرينه
ما جان انسبت زينب ولا تصبح رهينه
مالوك صدك الكال عالابطال يجزي اللوم
لوحي ماسبوا اعيال والاطفال كلها اتحوم
عيله ابسطوة البين لا يسبوها مرتين
.........................................
زينب هذا جدها المصطفى وحيدر ابوها
وامها فاطمه وريحانة المختار اخوها
يوليدي يعباس اختك اخلافك ولوها
من مجلس لعد مجلس عكب عينك سبوها
لو ما جثتك يم الشريعة ايوذروها
ما جان انسلب خدر اختك اولا يسروها
من بعدك زمن الشوم صب اهموم عالاطهار
من زينب جرت ادموع والينبوع ينزف نار
هاي البيها نارين لا يسبوها مرتين
................................................
اختك هذه معروفه ابمهابتها وصبرها
هاي اللي فديت اجفوفك لهيبة خدرها
هاي الما رحمها اولا وفه اوياها دهرها
بالشام الاجل بيدها طوت صفحة عمرها
لاكن ربنه رايد يرفع لزينب قدرها
للعالم صبح جنة عدن موضع كبرها
والظالم اجه ويريد من اجديد بالأجلاف
عالأمه رجع ايزيد ظل ايبيد هالاشراف
عن اختك صَرت وين لا يسبوها مرتين
..........................................
وانا بالقبر اهتف ونادي وقلبي لاهب
يوليدي نخيتك وانته صنديد الغوالب
مثل امخيمك لمن اجت ليه الكتايب
قبر اختك يبو فاضل اجت ليه النواصب
نيته الناصبي ايهدم قبر بت الأطايب
حاشه ترضه يتهدم ضريح ام المصايب
جن اسمع حجه عباس لوهالناس كلها اتجور
لا واللي خلق الكون ما يطفون هذا النور
لا يلفوها طاغين لايسبوها مرتين
.................................................. .
حي عباس ابو الغيره فلا يحصل مثيله
جن اسمع بدت من قبرك الصرخه الاصيله
أنه الكافل وروحي لقبر زينب كفيله
واشحده اليجي ويوصل لعد قبر العقيله
خل تسمع بني حرب وصخر اهل الرذيله
خط احمر قبر بت حيدر اشحده اليجي لهه
المرقد منو يدناه نتفداه بالارواح يتفجر لهب النار عالاشرار والكل صاح
لا يدنوها باغين لا يسبوها مرتين
.
رد مع اقتباس
