تاخذني ورقة سوالفك
ويه الهوى
تاخذني ورقة سوالفك
حــد صفنتي
وارجــع وأكَـود بدمعتي
واتذكرك
من يمر شعرك عالسلف
أذكرك
والديرة تغفة ويه الزلف
يالضحكتك ويه النفس
يشهكَــها جرفين النهـر
والــروج عالشفــة يمــر
أذكـر أمـس
ختلت وره جفونك شمس
غطانة بجفوفة المطر
والشاطئ يحضنه سوى
ويه الهوى
وي صورتك يبدي السهـر
يغفـه الكهف ويصير سادسهم كَمـر
وحـــــــشة حيــــــل
يثاوب كَبالي الليل
وشكَـــد صور
الكه اعلـه حيطان الجفن
من أغفـــه أون
وأتذكــــــرك
ويكَودني بكيــفه الحجل
وي خطوتك
يرسمني بعيونك كحل
بس ضحكة فوكَـ اشفافي رش
بلكت يمرجحني الرمش
والشجرة تحنضنــه سوى
تتمزلك أوراق الشجر
ويـه الهوى
رد مع اقتباس
المشاركة الأصلية كتبت بواسطة كبريائي قاهرهم
