الخوة مو بالعدد - صالح المؤمن
كل عام وانتم بخير بمولد ابطال كربلاء
الخوه مو بالعدد .....الخوه رفعة راس
يوسف اخوته احدعش ..... وحسين بس عباس
عالخوه يالناشدت ..... هاك اسمع المضمون
الخوه عشرة عمر ..... والعشرة لا ما تهون
واعظم اخو بوالفضل ..... كل عشرته احساس
كل خوه تنعد فرع ..... وعباس اخوته الساس
عين الأخو للأخو ..... افراش وجفنها لحاف
لو كثره خوته غدت ..... يوزع القلب انصاف
عباس روح وقلب ..... وجفوف وعين وراس
لحسين واحد قضه ..... وحسين اعز الناس
الخوه شجرة وفا ..... ما بين هاي وهاي
لزهار متنوعه ..... والشيمه جدول ماي
وعباس من شيمته ..... تروى الدرع والطاس
والسيف باسمه يدق ..... اخماسه بالأسداس
الخوه لوحة وفا ..... ومعلقه عالروح
مو عجبه روح الأخو ..... فدوه لأخيه تروح
العجبه كل العجب ..... من القلم والقرطاس
شلون ادعت زاعمه ..... احصت فضل عباس
الفيديو
بصيغة mp3 من الفور شيرد
ومن الميديا فاير
[MP3="http://www.dorar-aliraq.net/ext/uploader/fileup/1309963751.mp3"][/MP3]
الموضوع حصري لدرر العراق
رد مع اقتباس
