هنا

[اسعد النجيماوي]

هــواي نسمــع والقصـــص يحجونهه عطــش وأيتام ورؤوس أعله الرمـاح وضيــم ظلــت تنـــزف مــــن امتونهه جــروح صارن بــــالعقيلـة عيون ماي أخيولهـــم مـــــن تعطـــــش ايــرونهه وهـــــي بالطف ورد شتلت عـــالفرات وكــــون رأدت مـــــاي دم يـسـكـونـهه أنـــه مـــاوصف دمع مــن عدهه طاح اعلــــه التـــراب أجــــبال ويشوفونهه مـــن وره احجاب العقيله الدمــع سال أعيـون كامـت تنزل مــــــن عيـــونهه نوخــــت الافكـــار بــعيــــوني وبجيت مـــــن شــفـت عـــالهــزل أيــركبونهه كبـــل جـــــان الظل صعــــــب يتخيلوه ولـــــو تخيـلـــوا سـيــف يتخيلـــونهه ولذالك بـــــــالاسر جتفــــــوهه خوف جــــان ظنهــــم بــــالســـبي أيذلونهه خطوة تمحـــي اثار خطوة من الرمال يعـنـــي حتـــى الخطــــوة ميميزونهه شمس جانت بس شمس لبست حجاب أذن هــــم تتــــوقـــع أينــظــــــرونهه تعمـــه عينـــــه الينظــر الزينب محال بـت عــلــــي الكـــرار ويشـــــوفونهه كعبـه جانــــت وأبرهه وجيشه العظيم فـــــن هــــذاك الـجـيــــش يــــدنونهه سمـــه جــــان حجاب زينب من يطيح حـجـر سـجـيــــل أتــــرامــه أعيونهه دولــــه زينب جانت بــأرض الطفوف وهــيـجـي دولــــــه لازم ايــطيحونهه دولــه جان حسين بيــــــه أول رئيس ونائـبـه العبـاس حـــامــــي أضعونهه وخـــارطــة زينب عفاف وكبـريــــاء ولـــــــــذالك لازم أيـجــــــزئــــــونهه والمخطط جـان رؤس اعلـــه الرماح والــيـتـامـــــه أحــبــال ويجـــرونهه وتمشـي لازم لو مشت بين الرجــال بـهــل الـمـخـطـــط رأدوا ايكسرونهه وتمشــــــي لازم لكـــن بأمـــــر الاله وجـــــان ظــنهم همه الــي أيمرونهه حاشـــــه مـــــاطخــــت ابد للذله هام أبامــــر زيــنـــب جـــــانوا ايسيرونه مشت زينب بــــس مشت قائد عظـيم والدليل انــطـيـــه مـــــن أيشوفونهه كلها بستعــداد تــوكـــف مــــن تفوت والرمــــــاح أكـبـالــــــه أيـنـكسونهه هــــي دولـــة ديــــن أسسـه الحسين يمشـــي حـتـى اعــلــه الزلم قانونهه