السلام عليكم ورحمة الله وبركاته
الأخوة الأعزاء
اشتريت تلفون آيفون وسمعت انه فد شئ حلوه , بصراحة ما كذبوا هو حلو ببرامجة لكنه صعب الاستخدام للمره الأولى وبصراحة واجهته هواي صعوبات وبالأول انطيت فلوس حتى ينصبولي برامج بشارع الربيعي واخروني هواي لان البرامج اتريد وقت بعدين اكتشفت انوا هذه البرامج معظمها اتريد تفعيل من النت ووو .... الخ .. على العموم ما اطول عليكم هذه قصتي مع الايفون اتنمى ان تستفيدوا منها :
أول شئ أحبائي لازم تنصب برنامج الايتونز وهو برنامج مجاني ومن موقع ابل وباخر اصدار الرابط ماله هذا :
http://appldnld.apple.com/iTunes10/041-1633.20110607.FvP5t/iTunesSetup.exe
ثاني شئ بعد ما تنصب البرنامج لازم اتسوي حساب وهنا الحساب بفلوس لكن بهذه الطريقة ببلاش اتبع التالي :
بعد تنصيب البرنامج شغله روح الى iTunes Store يسار البرامج اضغط كلك
بعدين الى App Store تجدها بالمنتصف سوف تجد بيسار البرنامج العاب مجانيه اضغط على احدها راح تنفتح نافذه جديده , صورة اللعبه على اليمين تحتها Free App اضغط عليها ، تفتح نافذه جديد بيه اليوزر نيم والباسورد وبالاسفل عبارة ( Create new account ) اضغطها واختار علم امريكا , انتبه على كم نقطة مهمة :
1. طريقة الدفع اختار (none )
2. الباسورد اتسوية اول اربعة حروف صغيره بعدين ارقام وبعدين رمز عدد 2(@@ ) او اي شئ وبعدين حروف كبيره يفضل ان يكون الباسورد عشرة حروف
3. دبر رقم تلفون امريكي بدون مفتاح اذا ما كو عرف شغل عقلك سوي بحث على الكوكل على الارقام واختار الولاية اللي تعجبك بس لازم تعرف رمزها وهذه مو صعبة ويه كوكل كل شئ تعرف .
4. بعدها راح توصلك رسالة على الايميل اتكول لتأكيد وتفعيل الحساب يجب الضغط على الرابط التالي
5 .مبروك صار عندك حساب هسه كاكا نزل برامج مجانيه من الايتونز اللي انته اتريدها بس المهم اتكون (Free )
شلون اتنصب البرامج على الايفون .... سهله كاكا
بعد ما تنزلها من الموقع اربط الايفون بالكومبيوتر راح اتشوفه بالايتونز طبعا اذا كان الجهاز جديد واول مره اتفعله راح يطلب منك اتسمي الجهاز او ايسميه باسم الحاسبه مالتك راح يطلب منك تحديث للسوفت وير بصراحه اني لغيته لان يطول والنت تعبان ، هسه انريد انصب البرامج شلون ,,, بسيطة والله اتبع الخطوات :
روح على الـ ( Apps ) راح تظهر عندك نافذه جديدة بيها صفحات الايفون لكن مظلله ليش ؟ شأسوي حتى يروح التظليل .. بسيطة اشر السهم امام كلمة الـ ( Sync Apps ) بس انتبه اي برامج مجانية قديمة أمنصبه عندك راح تنحذف لأنها مو ملكك ملك اللي نصبها يعني ابو المحل , بعد تأشير الصح اضغط (Apply ) لتأكيد تنصيب البرامج وانتظر حتى تكمل المزامنة يعني انطيه وقته . هسه خلصنه البرامج المجانية .
نصائح وإرشادات بسيطة :
اخي العزيز قبل ما تشتري أنصحك ان تأخذ 16 كيكا لان 32 ما ادري اعتقد بيه مشكله وشفتها بجهازين وبفتره قليلة والفرق بينهن بس السعة اللي ما راح تحتاجه وسأل مجرب أخوكم .
شلون اطفي البرامج لان ما بيه خروج مثل الحاسبة او الموبيلات الباقية يعني البرامج تببقة فعاله وهذا الحلو بالايفون يعني ناته تلعب لعبه وتريد اتمل بعدين ما كو مشكله اضغط هوم ويبقى البرامج منتظر شكد متريد ,,,, زين شلون اريد اغلقة بسيطة اضغط بسرعة مرتين على زر الهوم بالوسط راح تطلع عندك البرامج الفعالة اضغط فتره على اي برامج حتى يطلعلك ناقص احمر اغلق البرامج من عنده .
وان شاء الله بالقريب العاجل انزل موضوع تنزيل النغمات والصور و كسر الجيلبرك وتنصيب البرامج والالعاب المكركه واهم السورسات للسيديا المجربه بتلفوني .
الإهداء :
الى الاخوة المبتدئين اللي كنت واحد منهم وعانيت الامرين بالايفون هذا ما تعلمته بهل الفتره اتمنى ان تنفعكم من قريب او بعيد ان شاء الله موفقين الكل .
واللي مجرب شئ احسن اسهل اتمنى ان ينشره للفائد وشكرا
رد مع اقتباس
