عفتيني مو؟
هانت عليج العشرة ؟
نسيتي ايامنة الحلوة ؟
اخ لو بس تعرفين حالي من بعدج
وين اروح فهميني
ما اعرف عنك شيء الان
لا اخبار
لا عنوان
لا اتصال
ضليت بس انزف حروفي هنا
وحتى حروفي تبجي عليج
ممزوجة بدموعي وكلنة نبجي عليج
وينج يا بعد روحي
ما تشعرين بية ؟
ما تنقهرين علية ؟
لج وينج مو دمرتيني وينج
احس نفسي اشتم عطرج
انتي وين؟
يمي ؟
احس روحج كبالي
شبكتج
وطلعت ادية فارغة تشبك بالهوة
وينج ؟
وينهة ذيج دعواتج الية
مو تكولين كل يوم ادعيلك ؟
مو تكولين روحج تبقة حارستني من العذاب
لعد وينج ما تشوفين حالي؟
وينج يا بعد عمري وكل حياتي
يا زهرة حياتي وشمعة اسنيني
يا ارق انسانة يل كلج عطف وحنان
وينج
مو خلصت عيوني عليج
خليني اتعذب بس لا تبجين
فدوة اروحلج لا تبجين
رد مع اقتباس
