بالبحر منثورة الدرر
واللي يغوص ويبحث يحصلهه
لكن جمال الذي بيهه شما وصل
بس للمظاهر يكَدر يجملهه
وانته بحر يا ابه الحسن
كَاعك الما واحد كَدر يوصلهه
وامواج علمك ترمي للناسبدُرر
كاملة وماتحتاج لليصقلهه
جواهر بحكمة علي متلئلئة
تتشعشع الانوار من داخلهه
تنطي حسن ما اروعه
لكل من عرف قيمتهه من يحملهه
بنفسه جميل يصير مو بس مظهره
ومَحله النفس لو حِليت بداخلهه
نهجك يبو الحسنين نهجك سيدي
نهج البلاغة والهداية كلهه
من تخطب وتدعي كل هالكلمات
ما اروعهه ما اجملهه
وموشي غريب وانته نفس المصطفى
أو هيه من نوره العلي جاعلهه
سبحانه من صاغك يحيدر وابدعك
واللي بَّدن انسان هالروح العظيمة انزلهه
رد مع اقتباس
