____________________________________________
هــا يعباس .... من الزغر ما فاركتني
هـا يعباس .... شلون يا خوية عفتني .... هــا يعباس


آنه أمك ..... من الزغر علمتك إتناديني يمه
جنت اضمك ... ابوسط روحي والوفه بثوبك اشمه
من أطلعت – خيالي جنت ـــ يـــا عباس
تالي نشفت ـــ واتعذبت ـــ بين الناس
هـــــا يعباس .... المصايب شيبتني
هــــا يعباس .... شلون يا خوية عفتني ... هــــا يعباس


شلون ترضه .... يضربوني ويشتموني يا حياتي
كوم فدوه ..... طفي خوية النار المجلبه ابعباتي
عندك علم ـــ خوية الزلم ــــ شافوني شافوني
ارد افتهم ـــ من الشهم ــــ وكله اذوني
هــــــا يعباس ..... الدنيا بعدك المتني
هــــــا يعباس .....شلون يا خوية عفتني ... هـــــا يعباس
كلي شحجي ... وحته حجيي من اسولف يضربونه
دمعي يبجي .... ومثل ورده وذابله صارن عيونه
أركض كمت ـــ لمن طحت ـــ حشمتك
اشكد صحت ـــ ومسمعت ـــ عاذرتك
هــــا يعباس ... حكك انته مسمعتني
هــــا يعباس ... شلون يا خوية عفتني .... هــــا يعباس
بعيني اباوع ... عالرمح ما نزلت يا خوية عيني
والاصابع ... كلت بلكي يشوفهن زركه ويجيني
كلبي يحن ــــ مثل الجفن ـــ بيده قلم
شوف المتن ــــ بعده يون ــــ من الالم
هــــا يعباس .... يبو الغيره ما شفتني
هــــا يعباس ... شلون يا خوية عفتني .... هــــــا يعباس


ﻟ̲ﺷ̲ﺂ̲ﻋږ ﺂ̲ﮬ̲̌ﮧﻟ̲ ﺂ̲ﻟ̲بـيےﺗ̲ (ع) ﺳ̲ﺟ̅ﺂ̲ﺩ̲ ﺳ̲ﺂ̲ﻟ̲ﻣ̲ ﺂ̲ﻟ̲ڳﻧ̲ﺂ̲ﻧ̲يے