هنا

[تاج الورد]

لسيدتي ومولاتي رقية بنت الحسين عليها السلام - لشاعر اهل البيت (ع)
************************************************** **

هالطفلة اليتيمـــــه تريد والدهه
غدر بيهه الزمان وعنه باعدهه
حسرات ماتت رقيه ... عبرات ماتت رقيه
******************************
رقيه ولو نواسيهـــــــــه بدمـــوع العين
نذكر بالسبــــــــــي لمن غدرهه البين
وفجعوهه آل أميـــه براس ابوهه حسين
كَظه بيهه الحنين الموت وسدّهه
حسرات ماتت رقيه ... عبرات ماتت رقيه
************************************************
من راحت سبي للشــــام لوعتهه
تخاطب زينـــــب الحــــوراء عمتهه
يعمّه ردت أبــــوي وتجري دمعتهه
بعبرات وألم ظلت تناشدهه
حسرات ماتت رقيه ... عبرات ماتت رقيه
************************************************
شتجاوبهه زينـــــــــــــب والدليل يلوع
وتنظر راس ابوهه اعلـــــه الرمح مرفوع
تصبّرهه وتكابر لجـــن تحنـــــي اضلوع
تعرف بالحزن هالزمن واعدهه
حسرات ماتت رقيه ... عبرات ماتت رقيه
***********************************************
رقيه ومن مثلهه تحمـــلت الآم
من كوطر ضعنهم وإتجّــه للشام
تنحب بالنحيب الجــــرح ما يلتام
ويشاركهه البجي كلمن يشاهدهه
حسرات ماتت رقيه ... عبرات ماتت رقيه
************************************************
يشتد الحزن والطفلـــــــه ملهوفه
مشتاكَه لأبوهه ولازم تشـــــــوفه
حالات الحــــــزن ما ظنهه موصوفه
يتيمه والحزن للموت كَايدهه
حسرات ماتت رقيه ... عبرات ماتت رقيه
************************************************
جابوا راس أبوهه إكَبالهـــــه خلوه
كَلبهه بهيجي موقف يعتصر عافوه
من كَد ما بجت ضاع العمر شافوه
عمرهه بأوله والموت صايدهه
حسرات ماتت رقيه ... عبرات ماتت رقيه
************************************************
ناحت علـــى الراس وماتت بكتره
وفجعت جم كَلب بالضعن والعتره
شيصبره اليفاركَ غالي شيصبره
غاليهه الحسين الراح من عدهه
حسرات ماتت رقيه ... عبرات ماتت رقيه
_________________________________________
نسألكم الدعاء

[غرور انثى]

[علي الاسدي**]

شكرا جزيلا قصيده رائعه

[sawsanmahmoud]

شكرا على الطرح الرائع
سلمت يداك

[تاج الورد]

شكرا لكم احبتي اسعتوووووووووني جدا جدا بمروركم الرائع