هنا

[الشاعر علي البدري]

مساجلة بالدارمي انة واخي الشاعر المبدع عقيل السامر


عقيل السامر1

روحي متلت حسرات تبجي اهيه بسكوت..
جي فاركت طيبين هل رادت تموت


علي البدري2
جي فاركت طيبين روحي ابتلت دوم
عمر وخلص حسرات ومكابل اهموم

عقيل السامر3
عمر وخلص حسرات ماريده كله
صوب دليلي اجفاك حط بيه عله


علي البدري4
صوب دليلي اجفاك يالسامر اشلون
من كثر بجيي اغليك ماضلت اعيون

عقيل السامر5
من كثر بجي عليك راحت عيوني.
ياعلي شلون بهاي كلهم ولوني

علي البدري6
لا ياعقيل ارجوك مو ولية هية
الدنيا للزينين صارت اذية

عقيل السامر7
الدنيا للزينين شدت حقدها
وشبكت روحي ابضيم رسمتلي حدها

علي البدري8
. شبكت روحي ابضيم هم اباثر هم
فوكاها بس احزان بس يمي تلتم


عقيل السامر9
فوكاها بس احزان صابتني دنياي.
بس مصلحه يدورون هالناس وياي

علي البدري10
عالمصلحة هالناس شو تمشي كلها
بس قررت هاليوم لازم اذلها

عقيل السامر11
قررت اذلها اليوم واكطع املها
. جي خلت الشمات تتمصلح الها

علي البدري12
جي خلت الشمات تلتم عليه
مثل العكارب دوم بس للاذية

عقيل السامر13
مثل العكارب هاي دنياك ابوحسين
شو تترك الانذال تكرص الطيبين

علي البدري14
شو تترك الانذال تمشي ابفرد طول
تصعد على المجروح بجروحه اتصول

عقيل السامر15
صعد على المجروح وتشدالانياب
. دنيانه يابو حسين صارت للذياب

علي البدري16
دنيانة بس اهات هم ومصايب
ماترحم الزينين بيهة العجايب

عقيل السامر17
ماترحم الزينين دنيانه بلوه.
صارت عكس وياي ضلمتني كوه

علي البدري18
صارت عكس وياي بس عندي انة الحل
اتحدى وامشي ابزود مو طبعي اختل


عقيل السامر19
تحده وامشي بزود واكسر،ضهرها.
واعلن حرب ع الخير لو ساعه مرها

علي البدري20
اكسر ضهر دنياي لو ضدي تصبح
طلكها انتة وشوف ثق والله تربح

عقبل السامر21
طلكها ثق بالله وتعيش مرتاح.
واقفل عليها بضيم واكسرالمفتاح

علي البدري22

ماضل بعد مفتاح يفتح قفلها
محبوسة بالحسرات كل ساعة اذلها


عقيل السامر23
محبؤسه بالحسرات روحي بغيابك.
يالبدري ثق بالله وتقفله بابك










3

[اسطورة زماني]

​حلوووو كولش

[الشاعر علي البدري]

مروركم الاحلى يا اسطورة منورين