بين فترة وفترة صرنة نسمع أصوات إتطالب بتغيير العملة وحذف الأصفار منهة وإهواي من الناس يڴولون ( إي والله أحسن هاي خوش شغلة ) بس الحقيقة هاي مو خوش شغلة لأن مثل هيچ قرار يفتح الباب لِمَن تسول نفسه بسرقة البلد أن يستغل القرار ...( إشلون ).....................
يضخ الأموال المزورة المطبوعة بالمطابع الأهلية ويزق الرشوة القوية اللي يسيل إلها اللعاب لموظف البنڴ وتخلي النزيه ينسة النزاهه ( شحمة بحلڴ بزون ) وهاي العملية يسموهه ( غسيل الأموال )
يامن تطالبون بتغيير العملة , إحنة منريد إتغيروهه وتستغلون القرار إحنة إنريد إتطالبون إبتبديل العملة القديمة إبعملة جديدة لأن القديمة صارت مستهلكة ومشڴِڴَة ومرڴعة وتايخة ومليانة قازورات وجراثيم وأغلب الأمراض تنقل عن طريق العملة الملوثة , نادر ما نلڴة عملة نظيفة لو مابيهه شريط شفاف وحتى شريط الشفاف البيهه ينرادلة شريط شفاف لأن هو هَم إستهلك والمشكلة محد يقبل ياخذهه وتظل نايمة علة ڴلبنة إلى أن إنمشيهة خلسة والطامة الكبرى المصرف من ياخذهه ياخذهه بقيمة أقل من قيمتهه
باجر لو عڴبة الشڴ ترة يصير إچبير وإخياط ميتخيط
رد مع اقتباس
