مساعدة ...بلييييز
السلام عليكم
عطفا على موضوعكم airgrid....رحت للصناعة واشتريته واليوم شديناه..هسة المشكلة ربطت اليواس بي بالحاسبة ..بس كلشي ماكو ..الحاسبة ما تقراه ؟
جربت على لابتوب اخر ..كلشي ماكو ...لا شبكات وايرلس ولا كلشي ...وين الاشكال ؟
منين اسوي cofiguration ؟
ساعدوني بأن تتخيلون نفسكم هستوكم شديتوه ..شسويتوووو؟من الالف للياء رجاءا...و لكم التحية.
والله انا ما اعرف بهاي الشغلة وما جازفت واشتريت
خل يجي الورطج يافاير ويحلج المشكلة
اكلج بس لا يطلع احمد الاوسي مورطج وهو ماهو الايام
بس عندج علاء معدل هسة يحلها الج بسرعة
شلون ادعيلج بصلاة المغرب متروح فلوسج حرامات
1oo دولار يا دادا وية الواير ..خخخخ
ادعي ادعي ...ترا اجي للكوت وشايلة رمانات واكلهم دلوني على بيت فلااااااان ...وفلاااااان ...(خو يعرفون نفسهم ..خخخ)
منورتني .
السلام عليكم
اختنا العزيزة انتي عرفتي الألفا اول ؟؟؟؟في البداية من بعد ما تربطين الوايرليس بالحاسبة تدخلين قرص التعريف لجهاز الألفا او اي نوع آخر وبعد انتهاء التعريف تضهر الج الأيقونات الخاصة بالأنترنت...واذا احتجتي توضيح اكثر اخبرينا عسى نقدر نساعدج
تحياتنا الج
والله اني حسب ما افتهمت انه عالنوع بعد ما يربط بالفا ..او سيناو ..يعني من الكرد للحاسبة !!!
وينهم؟ المجربين؟
السلام عليكم ...الاخت فاير فوكس
طبعا من باب الورطة و ما ورطة .....انت شورطج و اشتريتي هذا الكرد ...خخخخخخخ
لا عيني الحقيقة هو كرد ممتاز و شغلة حلو .
عيني راح نبدي خطوة بخطوة
1- لازم تتأكدين أنه اللان مال اللاب توب معرف و يشتغل
2- لازم تتأكدين كما ذكرنا بالموضوع سابقا أنه نوع الكيبل CAT6 SFTP
3- بالتجربة لحد الان ما أطول كيبل أستخدمناه هو 16 متر و اذا أقصر يكون أفضل.
4- لازم يكون كبس الكيبل سترايت ..أو يسموه ( عدل,نورمال ) بكيفكم بعد
5- بعد ما تتأكد أنه تمت الخطوات السابقة بصورة صحيحة ... نجي اكو مثل المحولة بيهة فيشة يو اس بي و بيهة مدخل مال كيبل يو تي بي و بيهة مخرج كيبل يو تي بي طبعا أسمهة العلمي POE
6-الكرد يتضمن الانتنة الي تضمن بداخلهة الاكسيس بوينت .....الاكسيس بوينت بية مدخل فيشة UPT RJ45 ادخال احد طرفي الكيبل المذكور في النقطة 2.
7- يتم ادخال الطرف الثاني للكيبل للتحويلة المذكورة في النقطة 5
8- تتضمن التحويلة فيشتان الاولى USB و الثانية RJ45 اي فيشة يو تي بي ...تربط اليو سبي لمنفذ اليو اس بي في الحاسبة و فيشة اليو تي بي الى منفذ اللان في الحاسبة.
9- تنتظر ثواني ستلاحظ أن اللان بدء بالبحث عن اي بي ( يعني الاكس الاحمر اختفى عن اللان )
10- تضعين الايبيات التالية في اللان
IP address 192.168.1.121
subnet masl 255.255.255.0
و تتركين بقية الحقول فارغة .
11- بعدها سترين شاشة اللان بجانب ساعة الحاسبة توهجت بلون ازرق.
12- تذهبين الى المتصفح الاكسبلورال و تكتبين هذا العنوان في المتصفح ... 192.168.1.20 ستظهر لك واجهة تطلب منك أضافة يوزر نيم و باس وورد تضعين ubnt لكلا الحقلين لليوزرنيم و الباسسورد .
ستظهر لك الواجهة الاعداد و التي تشبه بالظبط اعداد نانو ستيشن ...لأنها لشركة واحدة و لاتفرق قيد شعرة .
و أنا بالخدمة لأي سؤال أخر
تحياتي و دمت بالف خير
شكرا علاء سيكون لي عودة بعد التجربة...
مو كتلج فاير هسة يجيج علاء يحلها بسرعة
ماكو انا اذا نويت اشتري
اجي للكوت اخذ علاء يشتريلي ويروح للبصرة ينصبة اليه
ويتأكد منه اشتغل يالله اخليهم يرجعوه مرة ثانية لبيتهم
لان انا ماتورط بهيج سالفة وحدي مستحيل
السلام عليكم...
يسلمووو علاء ..اتضح انه فعلا الlan ما متنصب عندي ...شكرا جزيلا ..اشتغل وبقى بس ان شالله اختار الشبكة الملائمة ....الف شكر ..
اي دالين ..اختطفيه وهو يرجع من يخلص ..خخخخ
السلام عليكم .... لا لا شوفي أختي العزيزة ..هاي الشغلةة سهلةالمشاركة الأصلية كتبت بواسطة Daleen
اذا تريدين بس جيبي و سهلة الباقي علية ..اني اعلمج عليه
و تدلليل ....بس بدون خطف و اعتقال ..عليمن يا بوية.
عليكم الف سلام ورحمة
الاخت العزيزة فاير
أن شاء الله بالتوفيق .
بس يراد لهاي الشبكة صولة الاصدقاء ..لأن صايرة أعمال تحريض على الخطف ..خخخخخخخخخخخخ
بالتوفيق
تحياتي
رد مع اقتباس